Ministrlikterdegi jaýapty hatshylar qysqartylady. Bupalal týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýynda málim etti, dep habarlaidy "Ult aqparat".
«Jaýapty hatshylar institýtyna toqtalǵym keledi. Osy institýtty engizgen kezde olardyń aýyspaly bolmaýy ministrlerdi ákimshilik-kadrlyq jumystan bosatady, apparattyń turaqtylyǵyn qamtamasyz etedi dep qarastyrylǵan ádis júzinde olai bolmady», - dedi Prezident.
Sonymen qatar ministrler men jaýapty hatshylar arasynda ózara túsinistiktiń bolmaýy jaǵdailary oryn alatynyn atap ótti.
«Nátijesinde, ortaq iske nuqsan keltiriledi. Suraý bir adamnan bolýy kerek, iaǵni Prezident taǵaiyndaǵan ministr jaýapty bolýy tiis. Sondyqtan jaýapty hatshylar institýtyn qysqartý kerek. Olardyń mindetin ministrlikterdiń apparat basshylaryna júkteý qajet. Joǵaryda atalǵan usynystardy júzege asyrý úshin memlekettik qyzmet týraly zańnamaǵa jyl sońyna deiin túzetýler paketin qabyldaýdy tapsyramyn», - dedi Toqaev.
