Foto: kaztag.kz
Májiliste sý resýrstarynyń basqarylý tiimdiligine júrgizilgen aýditorlyq is-sharalardyń qorytyndysyn talqylaý kezinde Joǵary aýditorlyq palatanyń tóraiymy Natalia Godýnova «Qazsýshar» mekemesinde basshy ji aýysatynyn synady, dep habarlaidy Kazinform agenttigi.
«Shynymen de, «Qazsýshardyń» jaǵdaiy standarttan tys bolyp tur. Taza qarjylyq formýlalar boiynsha eseptesek, kompaniianyń qarjylyq ornyqtylyǵy 98 paiyz dep shyǵady. Sonyń ózinde kásiporynnyń búkil tabysynyń 48 paiyzy respýblikalyq biýdjetten túsedi.
Tek 52 paiyzy ǵana tutynýshylarǵa sý berýdiń aqysynan kiredi. Iaǵni, mekemeniń qarjylyq ornyqtylyǵy aldamshy. Óitkeni kórsetkishter kásiporyn shotyndaǵy qolma-qol qarjy qaldyqtary esebinen týyndap otyr. 2023 jylǵy 1 maýsymda júrgizilgen aýdit sátinde shotta qalǵan qolma-qol qarjy 18,9 mlrd teńge nemese búkil aqshalai qarjynyń 57 paiyzy bolǵan. Bul qarajat 2018 jyldan beri jinaqtalyp otyrǵan», - dedi Joǵary aýditorlyq palata basshysy.
Onyń sózinshe, palata 5 jyldyń ishinde sý resýrstary salasyna 3 aýdit júrgizgen.
«Sol kezde uiymdastyrý máselesi bar ekenin kórdik. Ár aýdit saiyn kimnen jaýap alarymyzdy bilmeimiz. Óitkeni Joǵarý aýditorlyq palatanyń ár otyrysyna «Qazsýshar» men Sý resýrstary komitetinen túrli basshy kelip turady. Jaýap alatyn adam joq. Mine, sondyqtan «kásiporynnyń qarjylyq jaǵdaiy ornyqsyz» dep qorytyndy jasaýǵa bolady. Uiymǵa qarjylyq turaqtylyq jaǵynan da, uiymdastyrý jaǵynan da keshendi sharalar qoldaný qajet. Syn-qaterlerin tarqatyp aita alamyn. Biraq ol aýdit qorytyndysynda kórsetilgen», - dedi Natalia Godýnova.
