5 mamyr kúni koronavirýs infektsiiasyn juqtyrý boiynsha Mańǵystaý oblysy «jasyl» aimaqqa endi, dep habarlaidy "Ult aqparat" qoǵamdyq kommýnikatsiia ortalyǵynda silteme jasap.
Alaida «jasyl» aimaqqa sáikes jeńildetýler óńirdegi epidemiologiialyq ahýal turaqtaǵannan keiin oblystyq jedel shtabtyń otyrysynda qabyldanady.
Oblystyq sanitariialyq-epidemiologiialyq baqylaý departamentiniń basshysy Ǵaziz Nadýev málimetinshe, epidemiologiialyq jaǵdaidy baǵalaý matritsasyna sáikes Mańǵystaý oblysy «jasyl» aimaqqa engenimen, jeńildetý sharalaryn oblystyq jedel shtab qarastyrady.
Iaǵni, mańǵystaýlyqtar ázirge sońǵy qaýlynyń talaptaryn ustanady.
«Qazir epidjaǵdai ár aimaqta ártúrli. Kez kelgen oblys óziniń epidjaǵdaiyna qarap sheshim qabyldaidy. Máselen, 7-8 kún ishinde Mańǵystaý oblysynda koronavirýs infektsiiasyn juqtyrý jaǵdailary azaisa, biz birqatar jeńildetýlerdi qabyldai alamyz», - dedi Ǵaziz Nadýev.
