Qazaqstanda jasy 65-ten asqan qazaqstandyqtarǵa koronavirýsqa qarsy vaktsina saldyrýǵa ruqsat berildi, dep habarlaidy "Ult aqparat".
«Taiaýda qaýly jariialǵanymdy bilesizder. Sol qujatta jas shegi jaǵynan shekteýdi alyp tastadyq. Alaida vaktsinany egde adamdarǵa salmas buryn olardy jiti tekserý kerek. Vaktsina salynatyn adamnyń dál sol kezde aýrýy bolmaýǵa tiis», - dedi Densaýlyq saqtaý vitse-ministri – Bas memlekettik sanitarlyq dáriger Erlan Qiiasov.
Eske sala ketsek, búgin Erlan Qiiasov jáne atalmysh vedomstvonyń taǵy bir vitse-ministri Ajar Ǵiniiat «Spýtnik V» vaktsinasynyń ekinshi dozasyn saldyrǵan bolatyn.
Ekpe densaýlyq saqtaý salasynyń jaýapty basshylaryna №6 qalalyq emhanada júrgizildi. Patsientter vaktsinanyń alǵashqy dozasynan keiin esh shaǵymy joqtyǵyn aitty.
Erlan Qiiasov pen Ajar Ǵiniiat koronavirýsqa qarsy vaktsinanyń alǵashqy dozasyn 1 aqpanda saldyrǵan bolatyn. Vitse-ministrlerge reseilik «Sputnik V» vaktsinasy egildi. Egýden buryn olar tekserýden ótip, vaktsina saldyrýǵa qarsy kórsetilimi joq ekeni anyqtalǵan. Bul joly da preparatty aldymen Erlan Qiiasov, odan keiin Ajar Ǵiniiat aldy.
