قازاقستاندا جاسى 65-تەن اسقان قازاقستاندىقتارعا كوروناۆيرۋسقا قارسى ۆاكتسينا سالدىرۋعا رۇقسات بەرٸلدٸ, دەپ حابارلايدى "ۇلت اقپارات".
«تاياۋدا قاۋلى جارييالعانىمدى بٸلەسٸزدەر. سول قۇجاتتا جاس شەگٸ جاعىنان شەكتەۋدٸ الىپ تاستادىق. الايدا ۆاكتسينانى ەگدە ادامدارعا سالماس بۇرىن ولاردى جٸتٸ تەكسەرۋ كەرەك. ۆاكتسينا سالىناتىن ادامنىڭ دەل سول كەزدە اۋرۋى بولماۋعا تيٸس», - دەدٸ دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتارلىق دەرٸگەر ەرلان قيياسوۆ.
ەسكە سالا كەتسەك, بٷگٸن ەرلان قيياسوۆ جەنە اتالمىش ۆەدومستۆونىڭ تاعى بٸر ۆيتسە-مينيسترٸ اجار عينييات «سپۋتنيك V» ۆاكتسيناسىنىڭ ەكٸنشٸ دوزاسىن سالدىرعان بولاتىن.
ەكپە دەنساۋلىق ساقتاۋ سالاسىنىڭ جاۋاپتى باسشىلارىنا №6 قالالىق ەمحانادا جٷرگٸزٸلدٸ. پاتسيەنتتەر ۆاكتسينانىڭ العاشقى دوزاسىنان كەيٸن ەش شاعىمى جوقتىعىن ايتتى.
ەرلان قيياسوۆ پەن اجار عينييات كوروناۆيرۋسقا قارسى ۆاكتسينانىڭ العاشقى دوزاسىن 1 اقپاندا سالدىرعان بولاتىن. ۆيتسە-مينيسترلەرگە رەسەيلٸك «Sputnik V» ۆاكتسيناسى ەگٸلدٸ. ەگۋدەن بۇرىن ولار تەكسەرۋدەن ٶتٸپ, ۆاكتسينا سالدىرۋعا قارسى كٶرسەتٸلٸمٸ جوق ەكەنٸ انىقتالعان. بۇل جولى دا پرەپاراتتى الدىمەن ەرلان قيياسوۆ, ودان كەيٸن اجار عينييات الدى.
