Zhas Project siiaqty jobalar jastarǵa qazir ne qajet ekenin túsinýge jáne óz bastamalaryn iske asyrýǵa kómektesýge múmkindik beredi. Bul týraly QR Aqparat jáne qoǵamdyq damý vitse-ministri Aleksandr Danilov aitty, dep habarlaidy QazAqparat.
«Búgin ministrdiń atynan quttyqtaǵym keledi jáne jobanyń barlyq deńgeidegi jumysyna qatysqan árbir adamǵa alǵys aitqym keledi. Rasynda da biz jastar saiasaty salasynda tek memlekettik bastamalar deńgeiinde ǵana emes, barlyq múddeli steikholderlermen jumys deńgeiinde kóptegen ózgeristerdi oilastyrdyq. Jobalardyń nátijelerin talqylaý úshin jaqsy top jinalǵanyna óte qýanyshtymyn. Bárińizge únemi kezdesip, saiasatymyzdy jaqsartqandaryńyz úshin alǵys aitamyn», - dedi QR Aqparat jáne qoǵamdyq damý vitse-ministri.
Óz sózinde Aleksandr Danilov dóńgelek ústel qatysýshylaryn jastar saiasatynyń jańa tásilderin jasaýǵa shaqyrdy.
«Qazir biz jastardyń máselelerin jastardyń ózi talqylaǵanyn, olardyń saiasat obektisi bolýdy toqtatyp, sýbekt bolýy úshin ne qajet ekenin oilastyrǵanyn qalaimyz. Jastardyń únine qulaq asý óte mańyzdy. Zhas Project siiaqty jobalar bizge jastarǵa qazir ne qajet ekenin túsinýge jáne óz bastamalaryn iske asyrýǵa kómektesýge múmkindik beredi. Ministrlik retinde sizderdiń bastamalaryńyzdy jalǵastyryp, jobalardy iske asyrý úshin jańa platformalardy usyna alamyz dep úmittenemin», - dedi A. Danilov.
