«Nur Otan» partiiasy «Jas Otan» jastar qanatynyń OQOF «Sátti qadam» partiialyq jobasy aiasynda «Infomob» JShS arasynda birlesken memorandýmǵa qol qoiyldy. Maqsat – joǵary jáne orta arnaýly oqý oryndaryndaryn támamdaǵan tul jetim jastardy jumyspen qamtý.
Memorandým aiasynda «Infomob» JShS-i tarapynan tul jetimder arasyndaǵy talantty baǵdarlamashylarǵa jumys usynýǵa daiyn ekeni aitylǵan. Jalpy, bul kompaniia 2016 jyldyń qyrkúiek aiynan jumysyn bastaǵan IT joba. «Infomob» mobildi baǵdarlamasy aiasynda júzege asqan. Al baǵdarlamanyń maqsaty elimizdegi saýda óndiristeri men kásiporyndaryn, sondai-aq týrizm salasyn elge tanytýdy kózdeidi. Olardy naryqtaǵy satylymyn arttyryp, qyzmetterin keńeitýdi josparlaidy.
Oblysta búginge deiin «Sátti qadam» partiialyq jobasy aiasynda tul jetim jastardy jumysqa ornalastyrý maqsatynda jergilikti iri kásiporyndarmen 30-ǵa jýyq memorandýmǵa qol qoiylǵan. Olardyń qatarynda «Altyn Dán» JShS, «Otaý-Stroi» JShS, «Europharma» JShS, «High Industrial Lubricants & Liquids Corporation» JShS-gi, «Kazmedpribor» holdingi, «Forte bank» AQ jáne «Tsesna bank» AQ-y bar.
Bilim jáne ǵylym ministrliginiń málimetine súiensek, 2015-2016 jyldary oblysymyzdyń joǵary jáne orta arnaýly oqý oryndaryn 274 tul jetim jas támamdaǵan. Al 152 tul jetim jumysqa ornalasyp, 18-i joǵary oqý oryndarynda bilim alyp jatyr. 2-i áskeri qyzmetin ótep júr. Sondai-aq 93 azamattyń jumysqa ornalasýyna konsýltatsiialyq kómek uiymdastyrylǵan.
Nazgúl NAZARBEKOVA,
Ońtústik Qazaqstan oblysy
.jpeg)