Búgin QR Aqparat jáne qoǵamdyq damý vitse-ministri Ashat Oralovtyń tóraǵalyǵymen ministrlik janyndaǵy Jastar uiymdaryn damytý jónindegi úilestirý keńesiniń kezekti otyrysy ótti, dep habarlaidy "Ult aqparat".
Úilestirý keńesiniń onlain-otyrysyna respýblikalyq jastar uiymdarynyń jetekshileri men ókilderi, ortalyq memlekettik organdardyń qyzmetkerleri jáne basqalar qatysty.
Úilestirý keńesiniń tóraǵasy Ashat Oralov, ortalyq memlekettik organdar men jastar uiymdary arasyndaǵy ózara is-qimyl men turaqty dialogtyń mańyzdyn atap ótti.
2020 jylǵy jastar jáne otbasy salasyndaǵy jumystyń negizgi nátijeleri jáne 2021 jylǵa arnalǵan ózekti mindetter týraly Jastar jáne otbasy isteri komitetiniń tóraǵasy Shahmardan Baimanov aityp berdi.
Qatysýshylar otyrys jumysynyń barysynda «Jastardy damytý indeksi» uǵymyna erekshe toqtaldy.
Atap ketsek, Memleket basshysy Qasym-Jomart Toqaev aǵymdaǵy jyldyń 15 qańtarynda ótken QR Parlamentiniń birinshi sessiiasynda sóilegen sózinde Qazaqstanda álemdik tájiribege sáikes jastardyń damý indeksin engizýdi usyndy. Máselen, «Jastar» ǵylymi-zertteý ortalyǵynyń direktory A.Saqoshev zań jobasy aiasynda «Jastardy damytý indeksi» uǵymyn bilim berý, densaýlyq saqtaý, jumyspen qamtý, bos ýaqyt jáne infraqurylymǵa qoljetimdilik salalary boiynsha negizgi indikatorlardy qamtityn memlekettik jastar saiasatyn iske asyrý bóliginde jergilikti atqarýshy organdar qyzmeti tiimdiliginiń keshendi kórsetkishi retinde tolyqtyrý usynylatynyn aitty.
Otyrys barysynda respýblikalyq jastar uiymdarynyń ókilderi aǵymdaǵy jylǵa arnalǵan jumys josparlarymen bólisip, odan ári tyǵyz yntymaqtastyqqa daiyn ekendikterin bildirdi.
Aita keteiik, Jastar uiymdaryn damytý jónindegi úilestirý keńesi QR zańnamasyna sáikes qurylatyn jáne óz qyzmetin jastar uiymdarynyń tiimdi ózara is-qimyl jasaýy, qyzmetin úilestirýdi kúsheitý jáne odan ári jetildirý jóninde usynymdar tujyrymdaý maqsatynda júzege asyratyn, ýákiletti organ janyndaǵy konsýltativtik-keńesshi organ bolyp tabylady.
