بٷگٸن قر اقپارات جەنە قوعامدىق دامۋ ۆيتسە-مينيسترٸ اسحات ورالوۆتىڭ تٶراعالىعىمەن مينيسترلٸك جانىنداعى جاستار ۇيىمدارىن دامىتۋ جٶنٸندەگٸ ٷيلەستٸرۋ كەڭەسٸنٸڭ كەزەكتٸ وتىرىسى ٶتتٸ, دەپ حابارلايدى "ۇلت اقپارات".
ٷيلەستٸرۋ كەڭەسٸنٸڭ ونلاين-وتىرىسىنا رەسپۋبليكالىق جاستار ۇيىمدارىنىڭ جەتەكشٸلەرٸ مەن ٶكٸلدەرٸ, ورتالىق مەملەكەتتٸك ورگانداردىڭ قىزمەتكەرلەرٸ جەنە باسقالار قاتىستى.
ٷيلەستٸرۋ كەڭەسٸنٸڭ تٶراعاسى اسحات ورالوۆ, ورتالىق مەملەكەتتٸك ورگاندار مەن جاستار ۇيىمدارى اراسىنداعى ٶزارا ٸس-قيمىل مەن تۇراقتى ديالوگتىڭ ماڭىزدىن اتاپ ٶتتٸ.
2020 جىلعى جاستار جەنە وتباسى سالاسىنداعى جۇمىستىڭ نەگٸزگٸ نەتيجەلەرٸ جەنە 2021 جىلعا ارنالعان ٶزەكتٸ مٸندەتتەر تۋرالى جاستار جەنە وتباسى ٸستەرٸ كوميتەتٸنٸڭ تٶراعاسى شاحماردان بايمانوۆ ايتىپ بەردٸ.
قاتىسۋشىلار وتىرىس جۇمىسىنىڭ بارىسىندا «جاستاردى دامىتۋ يندەكسٸ» ۇعىمىنا ەرەكشە توقتالدى.
اتاپ كەتسەك, مەملەكەت باسشىسى قاسىم-جومارت توقاەۆ اعىمداعى جىلدىڭ 15 قاڭتارىندا ٶتكەن قر پارلامەنتٸنٸڭ بٸرٸنشٸ سەسسيياسىندا سٶيلەگەن سٶزٸندە قازاقستاندا ەلەمدٸك تەجٸريبەگە سەيكەس جاستاردىڭ دامۋ يندەكسٸن ەنگٸزۋدٸ ۇسىندى. مەسەلەن, «جاستار» عىلىمي-زەرتتەۋ ورتالىعىنىڭ ديرەكتورى ا.ساقوشەۆ زاڭ جوباسى اياسىندا «جاستاردى دامىتۋ يندەكسٸ» ۇعىمىن بٸلٸم بەرۋ, دەنساۋلىق ساقتاۋ, جۇمىسپەن قامتۋ, بوس ۋاقىت جەنە ينفراقۇرىلىمعا قولجەتٸمدٸلٸك سالالارى بويىنشا نەگٸزگٸ ينديكاتورلاردى قامتيتىن مەملەكەتتٸك جاستار ساياساتىن ٸسكە اسىرۋ بٶلٸگٸندە جەرگٸلٸكتٸ اتقارۋشى ورگاندار قىزمەتٸ تيٸمدٸلٸگٸنٸڭ كەشەندٸ كٶرسەتكٸشٸ رەتٸندە تولىقتىرۋ ۇسىنىلاتىنىن ايتتى.
وتىرىس بارىسىندا رەسپۋبليكالىق جاستار ۇيىمدارىنىڭ ٶكٸلدەرٸ اعىمداعى جىلعا ارنالعان جۇمىس جوسپارلارىمەن بٶلٸسٸپ, ودان ەرٸ تىعىز ىنتىماقتاستىققا دايىن ەكەندٸكتەرٸن بٸلدٸردٸ.
ايتا كەتەيٸك, جاستار ۇيىمدارىن دامىتۋ جٶنٸندەگٸ ٷيلەستٸرۋ كەڭەسٸ قر زاڭناماسىنا سەيكەس قۇرىلاتىن جەنە ٶز قىزمەتٸن جاستار ۇيىمدارىنىڭ تيٸمدٸ ٶزارا ٸس-قيمىل جاساۋى, قىزمەتٸن ٷيلەستٸرۋدٸ كٷشەيتۋ جەنە ودان ەرٸ جەتٸلدٸرۋ جٶنٸندە ۇسىنىمدار تۇجىرىمداۋ ماقساتىندا جٷزەگە اسىراتىن, ۋەكٸلەتتٸ ورگان جانىنداعى كونسۋلتاتيۆتٸك-كەڭەسشٸ ورگان بولىپ تابىلادى.
