Foto: «AMANAT» partiiasynyń baspasóz qyzmeti
Búgin «AMANAT» partiiasynyń «Jastar Rýhy» jastar qanaty ótken jartyjyldyqtaǵy qyzmeti týraly jariia esep berdi. Osy ýaqyt ishinde 1000-nan astam is-shara ótkizilip, jańa jobalar iske qosyldy, dep habarlaidy "Ult aqparat" partiianyń baspasóz qyzmetine silteme jasap.
Ótken jyldyń shilde aiynda jastar qanatynyń kezekten tys VI sezi ótip, onyń barysynda transformatsiia baǵdarlamasy qabyldandy. Al uiymnyń ózi «Jastar Rýhy» degen jańa ataý aldy.
«Jastar Rýhy» – elimizdiń 100 myńnan astam bilimge umtylǵan, eńbekqor patriottaryn biriktiretin eń iri jastar uiymy. Esepti kezeńde biz iri áleýmettik, ekologiialyq, patriottyq, mádeni-buqaralyq is-sharalarǵa, sondai-aq qaiyrymdylyq aktsiialaryna bastamashylyq jasadyq. Barlyǵy 1000-nan astam is-shara ótkizildi», - dep atap ótti jastar qanatynyń tóraǵasy Nurjan Jetpisbaev.
Júzege asyrylǵan jobalardyń ishinde «Qaisar» áskeri-patriottyq jobasy, «TazaLike» ekologiialyq tárbie jobasy, «Dombyra Party», «AMANAT CUP» birinshi respýblikalyq shahmat týrniri, «Bir Tolqynda» jáne «Rýhtastar Cases» dialog alańdary, Respýblika kúnine arnalǵan «Meniń elim – meniń týym» aktsiiasy, «Jaidarman» oiyndary siiaqty jáne taǵy da basqa bastamalar bar.
«Meniń elim – meniń tilim» jobasy týraly belgili bloger Iakov Fedorov egjei-tegjeili aityp berdi.
«Biyl elimizdiń 12 oblysynda «Jastar Rýhy» óńirlik filialdarynyń bazasynda «Sóile» tildesý klýbtaryn ashý týraly sheshim qabyldandy. Bizde tek sabaqtar ǵana emes, qazaq mádenietimen tanysý úshin qazaq kinosyn kórý, teatrlarǵa, murajailarǵa barý siiaqty basqa da túrli is-sharalar uiymdastyrylady. Biz qatarymyzǵa qosylyp, qazaq tilin úirenýshilerdiń kóp bolǵanyn qalaimyz», - dedi ol.
Nurjan Jetpisbaev Qostanai oblysynda oryn alǵan órt pen Ekibastuz qalasyndaǵy TJ kezinde jastardyń atqarǵan volonterlik qyzmetine jeke toqtaldy.
«1300-den astam eriktilerimiz búkil el aýmaǵy boiynsha gýmanitarlyq kómek jinady. Áýliekóldiń ózinde 300 belsendimiz úiindilerdi arshýǵa, aýmaqty tazartýǵa, muqtaj otbasylarǵa azyq-túlik pen qajetti taýarlardy taratýǵa qolǵabys etti. Al Ekibastuz jylýsyz qalǵan kezde biz ystyq tamaq jetkizýdi uiymdastyryp, jalǵyz turatyn zeinetkerler men erekshe qajettilikteri bar adamdar týraly aqparat jinaý úshin aýlalardy araladyq», - dep atap ótti ol.
Jiyndy uiymnyń belsendi jastary Instagram, Facebook jáne Tik Tok áleýmettik jelileri arqyly onlain rejimde kórsetti.
