فوتو: «AMANAT» پارتيياسىنىڭ باسپاسٶز قىزمەتٸ
بٷگٸن «AMANAT» پارتيياسىنىڭ «جاستار رۋحى» جاستار قاناتى ٶتكەن جارتىجىلدىقتاعى قىزمەتٸ تۋرالى جارييا ەسەپ بەردٸ. وسى ۋاقىت ٸشٸندە 1000-نان استام ٸس-شارا ٶتكٸزٸلٸپ, جاڭا جوبالار ٸسكە قوسىلدى, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ.
ٶتكەن جىلدىڭ شٸلدە ايىندا جاستار قاناتىنىڭ كەزەكتەن تىس VI سەزٸ ٶتٸپ, ونىڭ بارىسىندا ترانسفورماتسييا باعدارلاماسى قابىلداندى. ال ۇيىمنىڭ ٶزٸ «جاستار رۋحى» دەگەن جاڭا اتاۋ الدى.
«جاستار رۋحى» – ەلٸمٸزدٸڭ 100 مىڭنان استام بٸلٸمگە ۇمتىلعان, ەڭبەكقور پاتريوتتارىن بٸرٸكتٸرەتٸن ەڭ ٸرٸ جاستار ۇيىمى. ەسەپتٸ كەزەڭدە بٸز ٸرٸ ەلەۋمەتتٸك, ەكولوگييالىق, پاتريوتتىق, مەدەني-بۇقارالىق ٸس-شارالارعا, سونداي-اق قايىرىمدىلىق اكتسييالارىنا باستاماشىلىق جاسادىق. بارلىعى 1000-نان استام ٸس-شارا ٶتكٸزٸلدٸ», - دەپ اتاپ ٶتتٸ جاستار قاناتىنىڭ تٶراعاسى نۇرجان جەتپٸسباەۆ.
جٷزەگە اسىرىلعان جوبالاردىڭ ٸشٸندە «Qaisar» ەسكەري-پاتريوتتىق جوباسى, «تازاLike» ەكولوگييالىق تەربيە جوباسى, «Dombyra Party», «AMANAT CUP» بٸرٸنشٸ رەسپۋبليكالىق شاحمات تۋرنيرٸ, «Bir Tolqynda» جەنە «رۋحتاستار Cases» ديالوگ الاڭدارى, رەسپۋبليكا كٷنٸنە ارنالعان «مەنٸڭ ەلٸم – مەنٸڭ تۋىم» اكتسيياسى, «Jaidarman» ويىندارى سيياقتى جەنە تاعى دا باسقا باستامالار بار.
«مەنٸڭ ەلٸم – مەنٸڭ تٸلٸم» جوباسى تۋرالى بەلگٸلٸ بلوگەر ياكوۆ فەدوروۆ ەگجەي-تەگجەيلٸ ايتىپ بەردٸ.
«بيىل ەلٸمٸزدٸڭ 12 وبلىسىندا «جاستار رۋحى» ٶڭٸرلٸك فيليالدارىنىڭ بازاسىندا «سٶيلە» تٸلدەسۋ كلۋبتارىن اشۋ تۋرالى شەشٸم قابىلداندى. بٸزدە تەك ساباقتار عانا ەمەس, قازاق مەدەنيەتٸمەن تانىسۋ ٷشٸن قازاق كينوسىن كٶرۋ, تەاترلارعا, مۇراجايلارعا بارۋ سيياقتى باسقا دا تٷرلٸ ٸس-شارالار ۇيىمداستىرىلادى. بٸز قاتارىمىزعا قوسىلىپ, قازاق تٸلٸن ٷيرەنۋشٸلەردٸڭ كٶپ بولعانىن قالايمىز», - دەدٸ ول.
نۇرجان جەتپٸسباەۆ قوستاناي وبلىسىندا ورىن العان ٶرت پەن ەكٸباستۇز قالاسىنداعى تج كەزٸندە جاستاردىڭ اتقارعان ۆولونتەرلٸك قىزمەتٸنە جەكە توقتالدى.
«1300-دەن استام ەرٸكتٸلەرٸمٸز بٷكٸل ەل اۋماعى بويىنشا گۋمانيتارلىق كٶمەك جينادى. ەۋليەكٶلدٸڭ ٶزٸندە 300 بەلسەندٸمٸز ٷيٸندٸلەردٸ ارشۋعا, اۋماقتى تازارتۋعا, مۇقتاج وتباسىلارعا ازىق-تٷلٸك پەن قاجەتتٸ تاۋارلاردى تاراتۋعا قولعابىس ەتتٸ. ال ەكٸباستۇز جىلۋسىز قالعان كەزدە بٸز ىستىق تاماق جەتكٸزۋدٸ ۇيىمداستىرىپ, جالعىز تۇراتىن زەينەتكەرلەر مەن ەرەكشە قاجەتتٸلٸكتەرٸ بار ادامدار تۋرالى اقپارات جيناۋ ٷشٸن اۋلالاردى ارالادىق», - دەپ اتاپ ٶتتٸ ول.
جيىندى ۇيىمنىڭ بەلسەندٸ جاستارى Instagram, Facebook جەنە Tik Tok ەلەۋمەتتٸك جەلٸلەرٸ ارقىلى ونلاين رەجيمدە كٶرسەتتٸ.
