Foto: depositphotos.com
Májilis depýtaty Dáýlet Muqaev megapolisterdegi jaldamaly páter alǵan jastar dalada qalýy múmkin ekenin aitty, - dep habarlaidy «Ult aqparat» Massaget.kz-ke silteme jasap.
Depýtattyq saýal premer-ministrdiń orynbasary Qanat Bozymbaevqa joldandy.
"Jyry basylmaǵan jastarǵa berilgen jaldamaly páter jaiynda premer-ministrdiń birinshi orynbasary Roman Skliarǵa da depýtattyq saýal joldaǵanmyn. Ol jaýabyn jastardy turǵyn úimen qamtamasyz etý máselesi Úkimettiń baqylaýynda dep qysqa qaiyrdy. Sondyqtan jastardyń talap-tilegin naqty sheshimder men áreketter jasaidy degen nietpen qaita joldap otyrmyn", - dedi Dáýlet Muqaev.
Onyń aitýynsha, 2019 jyldan beri Astana, Almaty jáne Shymkent qalalarynda jaldamaly páterge ornyqqan jastardyń sany 10 myńǵa jýyqtaǵan.
"2019 jyly baspana alǵan jastar baspanany bosatýyna da az ýaqyt qaldy. Búginde megapolisterdegi jastardyń dalada qalý qaýpi joǵary. Taǵy bir qosarym, byltyr berilý kerek páterler Almaty qalasynyń jastaryna áli de berilmedi. Naqty tizim, nátije shyqpady", - dedi depýtat.
Ol jaldamaly páter alǵan jastardyń qarjy jinap, óz baspanasyn ala almaýyna ózindik sebebi baryn aitty.
"2019 jyldan beri infliatsiia deńgeii de sharyqtap, úi baǵasy jyldan jylǵa ósti. Osydan 5 jyl buryn Qazaqstan boiynsha páterdiń ortasha sharshy metri 200 myń bolsa, qazir 400 myńǵa jýyqtady, iaǵni 2 ese ósti.
Birinshiden, baspanaǵa qarjy jinaýdan, qymbatshylyq qyspaqqa alyp kúnkóris máseleli aldyńǵy orynǵa shyqty. Ekinshiden, elde jastarǵa arnalǵan tiimdi memlekettik baǵdarlama joq. Elde tiimdi baǵdarlamanyń joqtyǵynan jastar baspana alý úshin shetel asyp jumys isteýge májbúr. Kelmei qalyp qoiyp jatqany qanshama. Bul elimizde daryndy, talantty jastardyń azaiýyna yqpal etip jatyr. Úshinshiden, jaldamaly páter alǵan jastar ózge de memlekettik baǵdarlamalar men úi kezeginde turý múmkindiginen aiyrylǵan. Aqshasyn jinap, túiip otyrǵan jastar, basqa baǵdarlamaǵa qatysa almasa qalai baspanaly bolmaq?" - dedi Dáýlet Muqaev.
Depýtat premer-ministrdiń orynbasary Qanat Bozymbaevtan máselege nazar aýdarýdy surady.
"Joǵarydy aitylǵan faktorlardy eskere otyryp, jastardyń tiimdi baspana alýyna jaǵdai jasaý jáne kemi 10 paiyzdyq bastapqy jarnamen ózderi turyp jatqan baspanasyn satyp alýǵa múmkindik berý máselelesin qarastyrýdy qaita suraimyn. Paiyzdyq mólsherlemesi de 5 paiyzdan aspaýǵa tiis. Jaldamaly páterde turý merzimin de uzartý kerek", - dedi depýtat.
