فوتو: depositphotos.com
مەجٸلٸس دەپۋتاتى دەۋلەت مۇقاەۆ مەگاپوليستەردەگٸ جالدامالى پەتەر العان جاستار دالادا قالۋى مٷمكٸن ەكەنٸن ايتتى, - دەپ حابارلايدى «ۇلت اقپارات» Massaget.kz-كە سٸلتەمە جاساپ.
دەپۋتاتتىق ساۋال پرەمەر-مينيستردٸڭ ورىنباسارى قانات بوزىمباەۆقا جولداندى.
"جىرى باسىلماعان جاستارعا بەرٸلگەن جالدامالى پەتەر جايىندا پرەمەر-مينيستردٸڭ بٸرٸنشٸ ورىنباسارى رومان سكليارعا دا دەپۋتاتتىق ساۋال جولداعانمىن. ول جاۋابىن جاستاردى تۇرعىن ٷيمەن قامتاماسىز ەتۋ مەسەلەسٸ ٷكٸمەتتٸڭ باقىلاۋىندا دەپ قىسقا قايىردى. سوندىقتان جاستاردىڭ تالاپ-تٸلەگٸن ناقتى شەشٸمدەر مەن ەرەكەتتەر جاسايدى دەگەن نيەتپەن قايتا جولداپ وتىرمىن", - دەدٸ دەۋلەت مۇقاەۆ.
ونىڭ ايتۋىنشا, 2019 جىلدان بەرٸ استانا, الماتى جەنە شىمكەنت قالالارىندا جالدامالى پەتەرگە ورنىققان جاستاردىڭ سانى 10 مىڭعا جۋىقتاعان.
"2019 جىلى باسپانا العان جاستار باسپانانى بوساتۋىنا دا از ۋاقىت قالدى. بٷگٸندە مەگاپوليستەردەگٸ جاستاردىڭ دالادا قالۋ قاۋپٸ جوعارى. تاعى بٸر قوسارىم, بىلتىر بەرٸلۋ كەرەك پەتەرلەر الماتى قالاسىنىڭ جاستارىنا ەلٸ دە بەرٸلمەدٸ. ناقتى تٸزٸم, نەتيجە شىقپادى", - دەدٸ دەپۋتات.
ول جالدامالى پەتەر العان جاستاردىڭ قارجى جيناپ, ٶز باسپاناسىن الا الماۋىنا ٶزٸندٸك سەبەبٸ بارىن ايتتى.
"2019 جىلدان بەرٸ ينفلياتسييا دەڭگەيٸ دە شارىقتاپ, ٷي باعاسى جىلدان جىلعا ٶستٸ. وسىدان 5 جىل بۇرىن قازاقستان بويىنشا پەتەردٸڭ ورتاشا شارشى مەترٸ 200 مىڭ بولسا, قازٸر 400 مىڭعا جۋىقتادى, ياعني 2 ەسە ٶستٸ.
بٸرٸنشٸدەن, باسپاناعا قارجى جيناۋدان, قىمباتشىلىق قىسپاققا الىپ كٷنكٶرٸس مەسەلەلٸ الدىڭعى ورىنعا شىقتى. ەكٸنشٸدەن, ەلدە جاستارعا ارنالعان تيٸمدٸ مەملەكەتتٸك باعدارلاما جوق. ەلدە تيٸمدٸ باعدارلامانىڭ جوقتىعىنان جاستار باسپانا الۋ ٷشٸن شەتەل اسىپ جۇمىس ٸستەۋگە مەجبٷر. كەلمەي قالىپ قويىپ جاتقانى قانشاما. بۇل ەلٸمٸزدە دارىندى, تالانتتى جاستاردىڭ ازايۋىنا ىقپال ەتٸپ جاتىر. ٷشٸنشٸدەن, جالدامالى پەتەر العان جاستار ٶزگە دە مەملەكەتتٸك باعدارلامالار مەن ٷي كەزەگٸندە تۇرۋ مٷمكٸندٸگٸنەن ايىرىلعان. اقشاسىن جيناپ, تٷيٸپ وتىرعان جاستار, باسقا باعدارلاماعا قاتىسا الماسا قالاي باسپانالى بولماق?" - دەدٸ دەۋلەت مۇقاەۆ.
دەپۋتات پرەمەر-مينيستردٸڭ ورىنباسارى قانات بوزىمباەۆتان مەسەلەگە نازار اۋدارۋدى سۇرادى.
"جوعارىدى ايتىلعان فاكتورلاردى ەسكەرە وتىرىپ, جاستاردىڭ تيٸمدٸ باسپانا الۋىنا جاعداي جاساۋ جەنە كەمٸ 10 پايىزدىق باستاپقى جارنامەن ٶزدەرٸ تۇرىپ جاتقان باسپاناسىن ساتىپ الۋعا مٷمكٸندٸك بەرۋ مەسەلەلەسٸن قاراستىرۋدى قايتا سۇرايمىن. پايىزدىق مٶلشەرلەمەسٸ دە 5 پايىزدان اسپاۋعا تيٸس. جالدامالى پەتەردە تۇرۋ مەرزٸمٸن دە ۇزارتۋ كەرەك", - دەدٸ دەپۋتات.
