Perýdiń soltústiginde jasóspirimder komandasyn ákele jatqan avtobýs shyńyraýǵa qulady, saldarynan jeti adam qaza bolyp, taǵy 11 adam jaraqat alǵan. Bul týraly eldiń densaýlyq saqtaý ministri Silviia Pessah málim etti, dep habarlaidy Canal N telearnasy.
Oqiǵa jeksenbi kúni Amasonas aimaǵyna kiretin Chachapoias qalasynyń mańynda bolǵan. Jergilikti BAQ-tyń habarlaýynsha, júrgizýshisi rýlge ie bola almai, avtobýs shyńyraýǵa qulaǵan.
«7 jasóspirim qaza boldy. Týystary múrdelerin tanydy», - dep málimdedi ministr.
«Zardap shekken 11 adamnyń ony - 13-14 jastaǵy balalar, sondai-aq bir áiel jaraqattanǵan», - dep qosty Pessah. Olardyń barlyǵy aýrýhanaǵa jetkizildi.
