«Jasandy» termini kelesi býynnyń qalai jetistikke jetetine jaýap bere almaidy. Ár kezeńniń óz qundylyqtary bar. Iá, «jasandy intellekt» bolashaq urpaqtyń qolyndaǵy siqyrly dúnie emes, biraq qazirdiń ózinde bizdiń jumysymyzdy jeńildete alady.
Adam isteitin jumysty robottar almastyrǵan kezde, olarǵa «qosymsha intellekt» degen ataý berýge bolady. Búgingi tańda únemi qaitalanatyn birsaryndy jumysty robotqa berýge eshkim qarsylyq kórsetpesi anyq.
Mysaly úshin robot shańsorǵyshty alaiyq. Men shańsorǵyshty jiberip qoiyp, osy maqalamdy jazyp otyrmyn. Bul maǵan barynsha yńǵaily, shańsorǵyshtyń «óz sanasy» bolǵandyqtan, úidiń qai bóligin tazalaý kerektigin jaqsy biledi. Ol óz sharýasynan jalyqpaidy jáne árbir buryshty tiianaqty tazalaidy. Men de ony alystan baqylap otyramyn jáne ol óte jaqsy kómekshi.
Sonymen, wahtis.com saity jasandy intellekt sóziniń iskerlik álemge qatysty anyqtamasy boiynsha mynadai tujyrymǵa keledi: Jasandy intellekt – adamnyń miynda bolatyn protsesterdi kompiýterdiń de iske asyrýy degen sóz. Bul protseske derekterdi túsiný - úirený, oilaý - saraptaý jáne ózin-ózi túzetý kiredi. Jasandy intellekt eksperttik júielerde, jazbasha nemese aýyzsha mátinderdi tanýda jáne ártúrli optikalyq kameralarda qoldanylady.
Negizinde, jasandy intellektiniń tehnikalyq jabdyqtary, baǵdarlamalary men onymen jumys isteitin adamdardy jaldaý arzan turatyn qyzmet emes. Máselen, bizneske jasandy intellekt engizý kóptegen qarajatty qajet etetin protsess. Sol sebepten, arnaiy jasandy intellekt qyzmeti qurylyp, jeke jáne zańdy tulǵalarǵa aldymen JI-di tájiribeden ótkizip, ony satyp almastan buryn jan-jaqty synap kórýge múmkindik beredi. Qazirgi tańda Amazon AI, IBM Watson Assistant, Microsoft Cognitive Services jáne Google AI jasandy intellekt qyzmetteri álem boiynsha qoldanys taýyp keledi.
Endi jasandy intellekti qalai qoldanýǵa bolatynyna kóńil aýdaraiyq. Kadr bólimi (HR) men qyzmetkerlerdi basqarý salasynan bastaiyq. Bir qyzyǵy, jasandy intellekt adamdardyń ornyna sheshim qabyldaidy. Biz jumysker izdegende adamdyq faktordan qashyp qutylmaityn edik, al JI-men jaǵdai basqasha bolady.
Jasandy intellekt bizdiń jumys ornymyzdaǵy protsester, qyzmetter pen jetkizý sapasyn jaqsartady, adamnyń ornyn basa almasa da, ár salada jaqsy kómekshi bola alady. Ásirese, jasandy intellektke únemi qaitalanatyn sharýalardy júktep, al kompaniia qyzmetkerleri strategiialyq mańyzdy suraqtardy talqylap, shyǵarmashylyqpen ainalysa alady.
Bolashaqta jasandy intellekt jaqsy qyzmetkerler tabýǵa, olardyń kompaniiada qalyp, óz isine berilgen, sapaly qyzmetkerlerden turatyn toptar qurýǵa septigin tigizetin bolady.
Kóbimiz jasandy intellekt men jabdyqtalǵan quraldardy kúndelikti qoldanyp júrmiz. Mysaly X.ai. saitynda kezdesýler men jinalystardy josparlaýǵa, ýaqytyn ózgertip nemese keiinge qaltyrýǵa bolady.
Zoom onlain konferentsiialar platformasynda Otter.ai fýnktsiiasy arqyly jinalysta aitylǵan máselelerdi jazyp, mátinge ainaldyryp, qatysýshylarǵa tarata alady. Óz basym osy aitylǵan eki qosymshany da belsendi qoldanyp, olardyń paidaly ekenine kózim jetti.
Textio qosymshasynyń kómegimen menedjerler usynylyp otyrǵan jumys jaily derekterdi ártúrli uiymdar arqyly jariialap, eń sapaly jumyskerlerdi tarta alady. Palatine Analytics qosymshasy inkliýziia máselelerin qarastyryp, mekemelerde ártúrli áleýmettik top ókilderi men túrli qabilettegi adamdardy tabýǵa septigin tigizedi.
Osy mysaldardan-aq, keleshekte jasandy intellektiniń biznes pen qoǵamǵa tigizer áserin kóre alamyz. Deloitte kompaniiasy jasaǵan zertteýde mynadai qorytyndyǵa kelgen eken: «Sharýanyń kóbisi avtomattandyrylǵanda, shynaiy «adamǵa tán» jumystyń mańyzy artatyn bolady». Biz jumysymyzdyń bir bóligin mashinalarǵa bergen kezde, kompaniiadaǵy qyzmetkerler ózderiniń shyǵarmashylyq jáne syni oilaý qabiletin qoldanýy kerek bolady.
Al ózin tehnikalyq ekspert dep sanamaityn atqarýshy direktorlar úshin jasandy intellektiniń eshqandai qiyndyǵy joq. Shyndyǵyna kelgende, kez kelgen biznes ókili jumysty avtomattandyryp, jumyskerlerdiń tájiribesin jaqsartyp, sol arqyly paida mólsherin arttyrý úshin jasandy intellektiniń tilin meńgerýge kóńil qoiý kerek.
Esińizde bolsyn, jasandy intellekt kompaniialardyń eń qundy kapitaly – adamdardyń ujymdyq sanasynyń áleýetin kúsheitip, mashinalardyń jumysyn jaqsartýy kerek.
Maqalanyń túpnusqasy: https://www.forbes.com/sites/cognitiveworld/2019/09/06/ai-for-executives/?ss=ai-big-data#2b6e032f51c4
