Jasandy intellekt qansha damysa da adamdar arasyndaǵy qarym-qatynastyń ornyn basa almaidy. Bul týraly Astanada ótip jatqan Máskeý memlekettik halyqaralyq qatynastar institýty (MGIMO) túlekteriniń IV halyqaralyq forýmynda QR Syrtqy ister ministri Qairat Ábdirahmanov aitty, dep habarlaidy "Ult aqparat" Baq.kz portalyna silteme jasap.
«Tórtinshi óndiristik revoliýtsiianyń arqasynda tehnologiialar damyp, ártúrli salalarda jańalyqtar ashylyp jatyr, degenmen jańa qaýipter men syn-tegeýrinder de týyndaýda. Jasandy intellekt qansha damysa da, ol adamdar arasyndaǵy qarym-qatynastyń ornyn basa almaidy. Sondyqtan adam kapitalyn damytý - progress pen adamzatty damytýdyń negizgi sharty bolyp sanalady», - dedi vedomstvo basshysy.
