Jasampazdyq jylnamasy. 2003 jyl

2003

* 1 qańtarda Elbasy Nursultan Nazarbaevtyń Qazaqstan halqyna jańajyldyq quttyqtaýy «Egemen Qazaqstan» gazetinde jaryq kórdi. Onda: «Jańa, 2003 jyldyń da barqadarly jasampazdyq eńbek jyly bolaryna, onyń bizdiń memleketimizdiń igiligin eselep, Qazaqstandaǵy ár otbasynyń dáýletin arttyratynyna meniń senimim kámil», dep jazyldy.

* 20 qańtarda Prezident Nursultan Nazarbaevtyń Shveitsariia Konfederatsiiasyna resmi sapary bastaldy. Elbasy Shveitsariia Konfederatsiiasynyń Federaldy Prezidenti Paskal Kýshpenmen kezdesip, ekijaqty máseleler talqylandy. Kezdesý nátijesinde jolaýshylar men júkterdiń halyqaralyq tasymaly týraly jáne kóp tarapty saýda júiesine ený máselelerine qatysty qujattarǵa qol qoiyldy.

* 23-24 qańtar kúnderi Prezident N.Á.Nazarbaev Davostaǵy 33-shi Dúniejúzilik ekonomikalyq forýmnyń jumysyna qatysyp, sóz sóiledi. «Memleket basshysy retinde maǵan qazaqstandyqtardyń óz josparlaryn derbes anyqtap, olardy iske asyrýǵa umtylyp jatqanyn, jańa ekonomikalyq jaǵdaida jumys istegisi keletinin kórý zor ǵanibet. Olar óz balalarynyń bolashaǵyn kórip otyr. Bul da Qazaqstannyń aldaǵy úlken kókjiegin qýattaidy», dedi Elbasy forýmda.

* 4-5 aqpan kúnderi Prezident Nursultan Nazarbaevtyń Italiia Respýblikasynda resmi sapary ótti. Elbasy Italiia Prezidenti Karlo Adzelio Champi jáne Italiia Ministrler Keńesiniń tóraǵasy Silvio Berlýskonimen kelissózder ótkizdi. Sondai-aq, Nursultan Nazarbaev sapar aiasynda uiymdastyrylǵan «Qazaqstan: italiialyq kompaniialar úshin kommertsiialyq tabys túsirýdiń jáne investitsiia salýdyń bolashaǵy» taqyrybyndaǵy biznes-forýmǵa qatysty.

* 6 aqpanda Vatikanda Prezident Nursultan Nazarbaev Papa Ioann Pavel II-men kezdesti. Aýdientsiia barysynda Rim Papasy Elbasy Nursultan Nazarbaevtan búkil Qazaqstan halqyna ózine Astanaǵa jasaǵan sapary kezinde kórsetken erekshe qurmeti úshin razylyǵyn jetkizýdi surady.

* 12 aqpanda Elbasy Nursultan Nazarbaevtyń qazaq jáne orys tilderinde jaryq kórgen «Syndarly on jyl» – «Kriticheskoe desiatiletie» kitabynyń tusaýkeseri ótti.

* 14 aqpanda Almatyda Qazaqstan qarjygerleriniń III kongresi boldy. Onda Elbasy Nursultan Nazarbaev sóz sóilep, Qazaqstan ekonomikasyndaǵy aitýly ózgeristermen qatar, aldaǵy ýaqytta qarjy salasynda erekshe nazar aýdarylýǵa tiisti mańyzdy máselelerge toqtaldy.

* 18 aqpanda Máskeýde Reseidegi Qazaqstan jyly saltanatty jaǵdaida ashyldy. Saltanatty rásimde Qazaqstan jáne Resei prezidentteri Nursultan Nazarbaev pen Vladimir Pýtin sóz sóiledi.

* 22-23 aqpan kún­­­deri Prezident N.Á.Nazarbaev Be­­­la­rýs, Qazaq­­stan, Re­sei jáne Ýkrainanyń tórt­­ jaq­­ty kez­­de­sýi­ne­ qa­tys­ty. Kezdesý nátije­sin­de, tórt mem­lekettiń pre­­­zi­dentteri Birtutas eko­­­no­­­mikalyq ke­ńis­­tik qu­­­rý jó­nin­de sheshim qa­­byl­­dady.

* 14 naýryzda Pre­zi­dent N.Á.Nazarbaev EýrAzEQ  Bas hatshysy Grigorii Rapotamen kezdesti.

* 19 naýryzda Elbasy Nursultan Nazarbaev Qazaqstan Respýblikasy Pre­z­identiniń janyn­-
da­­ǵy Adam quqyqtary jó­nin­degi komissiia týraly Jar­lyqqa qol qoidy.

* 4 sáýirde Prezident Nur­sultan Nazarbaevtyń tó­raǵalyǵymen Ulttyq keńestiń kezekti otyrysy ótti. Onda elimizdegi eń kókeikesti máseleler talqylandy.

* 15 sáýirde Elbasy Nursultan Nazarbaev Qazaqstan men Reseidiń shekaralas aimaqtarynyń forýmyna qatysty.

* 23 sáýir QR Prezidenti Dúniejúzilik týristik uiymynyń Bas Hatshysy Franchesko Franjialidi qabyldady. Kezdesý barysynda Qazaqstan men dúniejúzindegi týristik biznestiń jaǵdaiy talqylandy.

* 24 sáýirde Almatyda II Eýraziialyq ekonomikalyq media-forým óz jumysyn bastady. Forýmda Qazaqstan Prezidenti Nursultan Nazarbaev sóz sóiledi. Bul týraly «Egemen Qazaqstan» gazetiniń 25 sáýir kúngi nómirinde «Nursultan Nazarbaev: Túsinisý, únqatysý jolyn tabaiyq» taqyrybymen kólemdi maqala jariialandy.

* 27 sáýirde Tájikstan astanasynda Eýraziialyq ekonomikalyq qaýymdastyq Memleketaralyq keńesiniń kezekti májilisi bolyp ótti. Jiynda Memleketaralyq keńestiń tóraǵasy retinde birinshi kezekte sóz alǵan Qazaqstan basshysy Nursultan Nazarbaev Eýraziialyq ekonomikalyq qaýymdastyqta atqarylǵan ister jáne integratsiialyq yntymaqtastyqty jedeldetý jóninde sóz qozǵady.

* 6 mamyrda Qazaqstan Prezidenti N.Á.Nazarbaev Dúniejúzilik Islam Ligasynyń Bas Hatshysy, doktor Abdalla Ben Abdelmýhsin Al-Túrkimen kezdesti. Eki jaq Qazaqstanda Álemdik dinderdiń quryltaiyn ótkizý máselesin talqylady.

* 8 mamyrda Prezident Nursultan Nazarbaev «Qazaqstan Respýblikasynyń Aqparattandyrý týraly» Zańyna qol qoidy.

* 17 mamyrda N.Á.Nazarbaev Qazaqstanǵa resmi saparmen kelgen Vatikannyń memlekettik hatshysy kardinal Andjelo Sodanony qabyldady. Vatikan memlekettik hatshysy Elbasyna Papa Ioann II Paveldiń sálemin jetkizdi.

* 19 mamyrda Astanada Frantsiianyń Qazaqstandaǵy ekonomikalyq forýmy bastaldy. Oǵan frantsiialyq 17 iri jáne orta kompaniialar qatysty.  Forým sheńberinde Elbasy Nursultan Nazarbaev  Frantsiianyń Ekonomika, qarjy jáne indýstriia ministrligi janyndaǵy Syrtqy saýda máseleleri boiynsha delegat-ministr Fransýa Loosty qabyldady.

* 21 mamyrda Prezident Nursultan Nazarbaevtyń Túrkiiaǵa resmi sapary bastaldy. Elbasy Ystanbulda Abai atyndaǵy mekteptiń ashylýy saltanatyna qatysty. Erteńine Qazaqstan Prezidentiniń sapary Ankarada jalǵasty. Munda Elbasy Túrkiia Prezidenti A.N.Sezermen jáne Premer-ministr Redjep Taiyp Erdoǵanmen kezdesti. Kezdesý nátijesinde ekijaqty yntymaqtastyqty jańa beleske kóterýge múmkindik beretin qujattarǵa qol qoiyldy.

* 29 mamyr Máskeýde Shanhai yntymaqtastyq uiymyna qatysýshy memleketter basshylarynyń sammiti ótti. Sammittiń kúntártibinde uiymnyń baǵyttaryn aiqyndaityn ózekti máseleler qaraldy. ShYU májilisine Prezident Nursultan Nazarbaev tóraǵalyq etti.

* 3 maýsymda Astanada Prezident Nursultan Nazarbaev Qazaqstanǵa resmi saparmen kelgen Qytai Halyq Respýblikasynyń Tóraǵasy Hý Tszintaomen kezdesti. Kelissózder nátijesinde 2003-2008 jyldar aralyǵyna arnalǵan Qazaqstan – Qytai yntymaqtastyq baǵdarlamasyna qol qoiyldy. Sondai-aq, memleketter basshylary dostyq jáne tatý kórshilik týraly Birlesken deklaratsiiany bekitti. Bul týraly «Egemen Qazaqstan» gazetiniń 4 maýsym kúngi nómirinde «Qazaqstan – Qytai: ózara tiimdi bailanys baiandy bola beredi» taqyrybymen maqala jaryq kórdi.

* 5 maýsymda «Oqjetpes» sanatoriiinde Elbasy Nursultan Nazarbaevtyń tóraǵalyǵymen Prezident janyndaǵy Shet el investorlary keńesiniń kezekti, toǵyzynshy otyrysy ótti. Jiynda Prezident Qazaqstandaǵy investitsiialyq ahýaldy jetildirý turǵysynda sóz sóiledi.

* 24-27 maýsym aralyǵynda Prezident Nursultan Nazarbaevtyń Kanadada resmi sapary bolyp ótti. Memleket basshysy N.Á.Nazarbaev Kanadanyń General-gýbernatory, eldiń Joǵarǵy bas qolbasshysy Edrean Klarkson hanymmen jáne Premer-ministr Jan Kretenmen kezdesti. Sondai-aq, Elbasy Kanadanyń  Kalgari qalasynda ótken halyqaralyq investitsiialyq forýmǵa qatysyp, sóz sóiledi.

* 28 maýsymda Prezident Nursultan Nazarbaevtyń Frantsiiaǵa qysqa merzimdi jumys sapary boldy. Elbasy Frantsiia Prezidenti Jak Shirakpen kelissózder júrgizdi.

* 2 shildede Prezident Nursultan Nazarbaev «Qazaqstan Respýblikasynyń Baǵaly qaǵazdar rynogy týraly» Zańǵa qol qoidy.

* 5 shildede Almatyda Ortalyq Aziia yntymaqtastyǵy uiymyna múshe memleketter basshylarynyń joǵary dárejeli kezdesýi boldy. Kezdesýde birneshe qujatqa qol qoiyldy. Olardyń ishindegi eń mańyzdysy ózara qarym-qatynasta bolýǵa yntalandyra otyryp, týys elderdiń múddesine sáikes keletin saiasat júrgizýdi jalǵastyrý jáne osyǵan jaýap beretin qaǵidalardy jaqyndastyratyn Birlesken málimdeme boldy.

* 10 shildede Prezident Nursultan Nazarbaev Qazaqstan Respýblikasynyń Aýyldyq aýmaqtaryn damytýdyń 2014-2010 jyldarǵa arnalǵan memlekettik baǵdarlamasy týraly Jarlyqqa qol qoidy.

* 28 tamyzda Almatyda teńizge shyǵatyn joly joq jáne tasymal jolynda ornalasqan damýshy elder ministrleriniń, sondai-aq, tranzittik tasymaldar salasyndaǵy yntymaqtastyq máselelerimen ainalysatyn halyqaralyq uiymdar ókilderiniń qatysýymen BUU aiasyndaǵy konferentsiia óz jumysyn bastady. Oǵan Elbasy Nursultan Nazarbaev qatysyp, sóz sóiledi.

* 5 qyrkúiekte Shyǵys Qazaqstan oblysynyń Aiagóz qalasynda HIH ǵa­syrdaǵy qazaq poeziia­synyń asa kórnekti ókili Dýlat Babatai­ulynyń tý­ǵa­nyna 200 jyl tolýyna arnalǵan merekelik sharalar bastaldy.

* 8 qyrkúiekte Qazaq­stan­ǵa resmi saparmen Rýmyniia prezidenti Ion Ilieský keldi. Erteńine mártebeli qonaqty Elbasy Nursultan Nazarbaev óz rezidentsiiasynyń aldyn­da qarsy aldy. Eki­jaq­ty kezdesýdiń qory­tyn­dy­synda úsh qujatqa – Qazaqstan men Rýmyniia arasyndaǵy Áriptestik jáne yntymaq­tastyq týraly deklaratsiiaǵa, maldárigerlik salasyndaǵy yntymaqtastyq týraly kelisimge jáne uiymdasqan qylmysqa, zańsyz esirtki quraldary ainalymyna, lańkestik jáne basqa qaýipti qylmysqa qarsy kúres týraly kelisimge qol qoiyldy.

* 12-15 qyrkúiek aralyǵynda Mahambet Ótemisulynyń IýNESKO sheńberindegi 200 jyldyq mereitoiy bolyp ótti. Aqyn mereitoiynyń IýNESKO deńgeiinde atalyp ótýine Elbasy erekshe mán berdi. Aitýly shara barysynda Prezident Nursultan Nazarbaev Atyraý qalasyndaǵy Isatai-Mahambet memorialdyq kesheniniń ashylýyna qatysyp, eskertkishtiń jamylǵysyn ózi túsirdi. Osynda táýelsizdik týyn kótergen tulǵalar týraly sóz sóiledi. «Mahambet týraly aitqanda ony Isataidan bólip-jaryp qarai almaimyz. Mahambettiń ózi jyrlaityndai, «Isatai – basshy, men – qosshy». Ekeýi de batyr, otarshyl ozbyrlyqqa qarsy halyq narazylyǵynyń uiymdastyrýshylary», dedi Elbasy. Bul týraly «Egemen Qazaqstan» gazetiniń 16 qyrkúiek kúngi nómirinde «Mahambet ult atynan til qatady» taqyrybymen maqala jariialandy.

* 23 qyrkúiekte Astanada Álemdik jáne dástúrli dinder kóshbasshylary birinshi quryltaiynyń ashylý saltanaty boldy. Oǵan Prezident Nursultan Nazarbaev qatysyp, sóz sóiledi. «Biz saqtap ári nyǵaityp otyrǵan etnosaralyq jáne konfessiiaaralyq tatýlyqtyń túbegeili ári aýqymdy ózgeristerdi serpindi túrde júrgizýge múmkindik bergen, saiasi, ekonomikalyq jáne áleýmettik salalardaǵy tabystarymyzdy qamtamasyz etken irgetas bolǵanyna senimim kámil», dedi Qazaqstan Prezidenti.

* 6 qarashada Prezident Nursultan Nazarbaevtyń Singapýrge memlekettik sapary boldy. Sapar barysynda Elbasy Singapýr Prezidenti Sellapan Rama Natan jáne Premer-ministr Go Chok Tongpen kezdesti.

* 11-12 qarasha kúnderi Prezident Nursultan Nazarbaevtyń Filippinge memlekettik sapary boldy.

* 13 qarashada Prezident N.Á.Nazarbaev resmi saparmen Ońtústik Koreiaǵa bardy. Sapar sheńberinde osy eldiń Prezidenti No Mý Henmen kezdesti.

* 8 jeltoqsanda N.Á.Nazarbaev eki kúndik resmi saparmen Pákistan Islam Respýblikasyna bardy.

* 13 jeltoqsanda Astanada el Táýelsizdiginiń 12 jyldyǵyna arnalǵan saltanatty jiyn boldy. Onda Elbasy Nursultan Nazarbaev baiandama jasady.

* 22 jeltoqsanda Prezident N.Á.Nazarbaev Mońǵoliianyń Uly Memlekettik Hýral Tóraǵasy Sanjbegz Tomor-Ochir bastaǵan delegatsiiany qabyldady. Kezdesý barysynda taraptar ekijaqty bailanystyń damý deńgeiine, ásirese, ózara saiasi qarym-qatynas salasyndaǵy bailanysqa qanaǵattanatyndyqtaryn bildirdi.

*25 jeltoqsanda Astanada Prezident N.Á.Nazarbaev Qyrǵyzstan Prezidenti Asqar Aqaevpen kezdesti. Kezdesýde Elbasy óńirlik qaýipsizdik pen ekonomikalyq integratsiiany damytý men nyǵaitýda Qyrǵyz Respýblikasynyń Qazaqstan úshin senimdi áriptes bolyp qala beretinine basa nazar aýdardy.

"Egemen Qazaqstan"