Jasampazdyq jylnamasy. 2002 (jalǵasy)

2002

* 4 maýsymda Almatyda Aziiadaǵy ózara is-qimyl jáne senim sharalary jónindegi keńestiń (AÓSShK) birinshi sammitiniń ashylýy boldy. Onda Qazaqstan Prezidenti Nursultan Nazarbaev sóz sóiledi. «Aziiadaǵy ózara is-qimyl jáne senim sharalary jónindegi keńeske qatysýshy memleketter dúnie júzinde munai qory boiynsha jetekshi oryndardy alyp otyr, bul qor jer sharyndaǵy «qara altynnyń» 40 paiyzyn quraidy. Bizdiń qurlyqtyń kólik-kommýnikatsiialyq múmkindikteri shyn máninde orasan. Osydan biraz burynǵy Aziia daǵdarysynyń Aziiadaǵy elder ekonomikasy úshin qiyn saldary boldy, biraq ol bul elderdiń tuǵyryn shaia almady», dedi Elbasy.

* 5 maýsymda Qazaqstan Prezidenti Aziiadaǵy ózara is-qimyl jáne senim sharalary jónindegi keńestiń I sammitine qatysýǵa kelgen Qytai Halyq Respýblikasynyń Tóraǵasy Tszian Tszemin jáne Mońǵoliia Prezidenti Natsagiin Bagabandimen kezdesti.

* 7 maýsymda Sankt-Peterbýrgte Shanhai yntymaqtastyq uiymyna múshe memleketter basshylarynyń kezdesýi boldy. Sammit jumysyna qatysyp, sóz sóilegen Elbasy Nursultan Nazarbaev: «Shanhai yntymaqtastyq uiymy qazirgi ýaqyt pen tarihi kezeńniń talaptaryna tolyq jaýap beredi jáne aimaqtyń órkenietti damýyn onyń saiasi turaqtylyǵy men qaýipsizdigin saqtaý mindetterimen óz qyzmetin jandandyrýy asa qajet», dedi. Atalǵan basqosý týraly «Egemen Qazaqstan» gazetiniń 8 maýsym kúngi nómirinde «Shanhai yntymaqtastyq uiymy saiasat álemindegi qadamyn nyqtap keledi» taqyrybymen maqala jariialandy.

* 6 shildede Astanada Elbasy Nursultan Nazarbaevtyń tóraǵalyq etýimen Qazaqstan Respýblikasy Prezidenti janyndaǵy Shetel investorlary keńesiniń jetinshi plenarlyq otyrysy ótti. Jiyn aiaqtalǵannan keiin jýrnalis­terge arnaiy suhbat bergen Elbasy: «Qazaqstandy TMD-nyń basqa memleketterinen ózgeshelep turatyn úlken bir erekshelik bar. Ol ekonomikamyzǵa investitsiianyń asa mol kólemde salynýy bolyp tabylady», dedi.

* 7 tamyzda Astanada Úkimettiń keńeitilgen otyrysy boldy. Májiliste Elbasy Nursultan Nazarbaev sóz sóiledi. Elbasy óz sózinde el ómiriniń eleýli máselelerin atap kórsetti.

*29 tamyzda Astanada Qazaqstan Konstitýtsiiasynyń 7 jyldyǵyna orai saltanatty jiyn ótti. Oǵan qatysqan Elbasy Nursultan Nazarbaev Ata Zańymyz jóninde keńinen tolǵap sóz sóiledi.

* 3 qyrkúiekte Prezident Nursultan Na­zarbaev Ońtús­tik­ Afrika Respýb­li­ka­synyń Iohan­nesbýrg qa­la­synda ótken turaqty damý jónindegi BUU sammitiniń jumysyna qatysty. Sammitte sóz sóilegen Elbasy adamzat balasy talassyz ǵylymi-tehnikalyq progreske qol jetkizgenine qaramastan, jer jarylyp, sý aqqaly bergi sońynan qalmai kele jatqan jarly-jaqybailyq, ashtyq, aýrý, soǵys ataýlydan tolyq qutyla almai otyrǵanyna basa nazar aýdardy.

*9 qyrkúiekte Prezident N.Á. Nazarbaev Qazaqstanǵa resmi saparmen kelgen Ózbekstan Prezidenti I.Karimovti qabyldady. Kezdesý barysynda Qazaqstan men Ózbekstan arasyndaǵy shekara máselesin túpkilikti sheshken shartqa qol qoiyldy.

*23 qyrkúiekte Prezident N.Á. Nazarbaev Qazaqstanǵa tuńǵysh ret resmi saparmen kelgen Sloveniianyń Prezidenti M.Kýchanmen kezdesti. Dostyq, túsinistik jaǵdaiynda ótken basqosýda ekijaqty yntymaqtastyqtyń kókjiegin keńeitý baǵytyndaǵy máseleler talqylandy.

* 26 qyrkúiekte Taraz qalasynyń 2000 jyldyq torqaly toiy bastaldy. Merekelik sharanyń ashylý saltanatynda Elbasy Nursultan Nazarbaev sóz sóiledi. Bul týraly «Egemen Qazaqstan» gazetiniń 27 qyrkúiektegi nómirinde «Máńgiliktiń altyn órmegi» taqyrybymen maqala jariialandy.

*5-6 qazan kúnderi Elbasy Nursultan Nazarbaev Ortalyq Aziia yntymaqtastyq uiymyna múshe memleketter basshylarynyń tórtinshi kezdesýine jáne Araldy qutqarý halyqaralyq qorynyń otyrysyna qatysty.

* 7 qazanda Kishinevte TMD elderi basshylarynyń sammiti ótti. Oǵan Prezident Nursultan Nazarbaev qatysty. Alqaly jiynda TMD qurylymyn jetildirýge bailanysty birqatar mańyzdy qujattarǵa qol qoiyldy.

*17 qazanda Qazaqstan Prezidenti N.Á.Nazarbaev Qazaqstanǵa saparmen kelgen BUU Bas hatshysy K.Annanmen kezdesti. Elbasy BUU Bas hatshysynyń elimizge sapary respýblika óńirindegi úlken saiasi oqiǵa ekenin, onyń Qazaqstan men BUU arasyndaǵy yntymaqtastyqty damytýǵa jańasha serpin beretinin atap kórsetti.

* 23 qazanda Túrkistan qalasynda Dúniejúzi qazaqtarynyń II quryltaiy ashyldy. Saltanatty jiynda Qazaqstan Respýblikasynyń Prezidenti, Dúniejúzi qazaqtary qaýymdastyǵynyń Tóraǵasy Nursultan Nazarbaev bar qazaqtyń Otany bolyp tabylatyn Qazaqstannyń búgini men erteńi, onyń shetelderdegi qandastarymyzben bailanysy týraly baiandap berdi.

*27 qarashada Prezident Nursultan Nazarbaevtyń Niderland Koroldigine resmi sapary boldy. Qazaqstan Prezidenti Koroleva Beatriks jáne Premer-ministr Ia.Petermen kezdesti. Sapar barysynda Elbasy Niderland biznesmenderin Qazaqstan naryǵyna qatysýǵa shaqyrdy.

*29 qarashada Briýsselde Prezident Nursultan Nazarbaev Eýropalyq komissiianyń tóraǵasy Romano Prodimen jáne Eýropalyq odaq keńesiniń bas hatshysy Haver Solanamen kezdesýleri boldy.

*23 jeltoqsanda Prezident Nursultan Nazarbaevtyń Qytai Halyq Respýblikasyna memlekettik sapary boldy. Kelissózder nátijesinde Nursultan Nazarbaev pen Tszian Tszemin birqatar ekijaqty qujattarǵa qol qoidy, onyń ishinde Qytai men Qazaqstan arasyndaǵy dostyq, tatý kórshilik jáne yntymaqtastyq týraly shart bar.

*27 jeltoqsanda Astanada Ortalyq Aziia yntymaqtastyǵy uiymyna qatysýshy memleketter basshylarynyń tórtinshi sammiti boldy. Jiynda Elbasy Nursultan Nazarbaev uiym aiasyndaǵy jumystarǵa taldaý jasai kelip, aimaq memleketteriniń yntymaqtastyǵyn tutastai alǵanda oń baǵalady.