Qara óleń – qazaqtyń qanyna sińgen qasiet. Zamannyń túrli aǵymyna ilesip bara jatsaq ta, óleńimizdi, ónerimizdi umytpaq emespiz. Elbasy «Bolashaqqa baǵdar: rýhani jańǵyrý» maqalasynda da qai qiyrda júrsek te, qai ónerdi igersek te tarihtan tamyr tartpaýǵa bolmaitynyn, ulttyq sanasyz, rýhsyz el bolashaǵy bolmaitynyn airyqsha atady. Elbasynyń bul sózin «Talǵar politehnikalyq kolledji» áýel bastan-aq qoldap, júzege asyryp jatqandai. Zamanaýi mamandyqtardy igergen kolledj stýdentteriniń bir top óleńderin oqyp, airan-asyr qaldyq. Qazaqtyń qara óleńinde árdaiym rýh boi kótergen. Endeshe, búgingi stýdent erteń de qara óleńdi janyna serik eter bolsa, ulttyq rýhtyń asqaqtai túskeni, aibynnyń artqany.
Qulager
(I.Jansúgirov rýhyna)
Qýyrǵan keń dalamnyń quba belin,
Ózińsiń óleńdegi Qulagerim.
Daryny dara týǵan Iliias ata,
Men seniń ónerdegi murageriń.
«Alataýdai tulǵaly búkil eńseń,
Turatyn kil báigeni kútip óńsheń.
Qazaqtyń mańdaiyna óleń bitse,
Óleńniń mańdaiyna bitip eń sen».
Dep aqyn Tursynzada jyr arnaǵan,
Jyrymen aqtaryla syr arnaǵan.
Ónerińe, máńgi ólmes óleńińe,
Sen sekildi jasynan qumar balań.
Bul isimdi kópshilik maquldar da,
Qoldaý kerek qashan da aqyndarǵa.
Rýhyńa taǵzym qyp jyr arnadym,
Kótersin abyroily atyńdy Alla.
Elin súigen Elbasy
Elin súigen, eli súigen Elbasy,
Halqymenen birge júrgen joldasy.
Óziń barda ýaiymym da joq meniń,
Eliń úshin zaý biikke samǵashy.
Samaiǵa aq túskenshe el basqaryp,
Kelesiz siz elmen birge shattanyp.
Salaýatty ómir saltyn qoldanyp,
Kelesiz ǵoi, júrem soǵan maqtanyp.
EKSPO da keldi mine, qylyp nur,
Álem bitken soǵan kózin tigip tur.
Abyroimen ótkizem dep dýmandy,
Sol jaqta júr, bilimdi qyz, bilikti ul.
Sharapat ESMURAT,
Kompiýter qurylǵylaryn jóndeý tehnigi
mamandyǵynyń 3-kýrs stýdenti
Naýryz aiy
Tańy atty naýryzdyń kúlimdegen,
Bulaǵy aqty taýlardyń gúrildegen.
Oianamyn tańerteń kúlimsirep,
Bulbuldardyń tamsanyp únimenen.
Naýryzda jer dúnie qulpyrady,
Kók qyrany tym biik umtylady.
Aqynnyń da shabyty kóktem kelse,
Tasyp-aq, qalamushqa jyr tunady.
Didar OMARǴAZY,
Kompiýter qurylǵylaryn jóndeý tehnigi
mamandyǵynyń 3-kýrs stýdenti
Qazaqtyń týy asqaqtap...
Erkindigim – án-jyrym,
Senimen bir armanym.
Arqaladyń bar júgin,
Qazaǵymdai samǵadyń.
Qyran qusym júr samǵap,
Kók týymdy kóterip.
Jerimde kóp myń sańlaq,
Júr boiynda ot órip.
Qulamasyn biikten,
Kók bairaǵym asqaqtap.
Qazaqstan – súiikti el,
Tursyn dáiim bastap baq.
Ómir degen...
Ómir degen óte qymbat,
Ólshem emes sulý-symbat.
Adam ómiri uzaq emes,
Ótken ómir qaita kelmes.
Tirshilikte tyryspasań,
Túzý júrip, tik ushpasań,
Jete almaisyń muratyńa,
Jetersiń tek durystasań.
Bireýlerge bar zamanda,
Bireýlerge tar zamanda,
Armanyńa shyn jetkeisiń,
Keýdede ot, bar janarda.
Beglan OMAROV,
EVM operatory mamandyǵynyń
2-kýrs stýdenti
Merekelik tilek
Ketti qysqy yzǵar,
Erip jatyr muz da.
Merekeńiz búgin,
Qutty bolsyn, qyzdar!
Bar mende bir júrek,
Adamǵa adam – tirek.
Sizderge aitar mynaý,
Merekelik tilek:
Aspan bolsyn ashyq,
Dushpan júrsin qashyq.
Alshy tússin asyq,
Jolyń bolsyn ashyq.
***
Úlgi bolǵan úlkenge de, jasqa da,
Syilar sizdi týǵan-týys, basqa da.
Ustaz degen uly esimdi ulyqtap,
Jyrǵa qostym, jazyp paraq, tasqa da.
Izgiliktiń nuryn shashar mańaiǵa,
Adamsyz ǵoi úlgi bolar talaiǵa.
Jaqsylyqty ózińizden kóp kórgen,
Umytpaidy shákirtińiz qalai da.
Anar QOJAEVA,
Aspazdyq mamandyǵynyń
2-kýrs stýdenti
Syńǵyrlaǵan kúlkisi bop ár úidiń...
Ǵasyrlardy sóiletken,
Babalardyń tili eken.
Urpaǵyna amanat qyp tapsyrǵan,
Qasietti tilim meniń tiri eken.
Syńǵyrlaǵan kúlkisi bop ár úidiń,
Qýanyshtyń túr-túsi bop ár úidiń.
Sóilep tursyń, ana tilim – baba til,
Tamyryńnan tektilikti tanimyn.
Tilim meniń, janym barda keýdemde,
Ǵumyrymda basqa baqty teń kórmen.
Ana tilim, qasietińnen ainaldym,
Máńgi seniń qazyǵyńa bailandym.
Baǵdagúl IaKÝDA,
Aspazdyq mamandyǵynyń
3-kýrs stýdenti
Stýdenttik ómirim
Mine, búgin aiaq bastym stýdenttik ómirge,
Qýanysh men shattyq shalqyp kóńilde.
Kompiýterdiń qurylǵysyn jabdyqtap,
Bir mamandyq alyp shyǵam túbinde.
Dostarym da óte jaqsy, keremet,
Dosyń jaqsy bolsa basqa ne kerek?!
Úirenisip kettim qazir bul mańǵa,
Asqaq arman tur aldyǵa jetelep.
Dostarymnyń ot-jalyn bar kózinde,
Bári birdei qýanyshty sezimde.
Árbiriniń talanty bar tas jarar,
Jaqsy jandar turady ylǵi sózinde.
Kolledjde jaqsy arý men jigit bar,
Orys ta bar, uiǵyr da bar, túrik bar.
Tanys emes bolsaq-taǵy bárimiz,
Qazaǵymda sálem berý ǵuryp bar.
Nurbek ERǴANAT,
Tehnik-baǵdarlamashy tobynyń
1-kýrs stýdenti
Mahambet-Isatai
Qara qazan, sary bala qamy úshin,
Qazaq atty baitaq eldiń taǵy úshin.
Janyn qidy Mahambet pen Isatai,
Azattyq máńgi sónbes shamy úshin.
El jadynda máńgi qalar Mahambet,
Isataidy maqtan tutam atam dep.
Jyrlary onyń óltirmeidi, ólmeidi ol,
Ár kúnmenen arailanyp atar tek.
Ult-azattyq kóterilisin bastaǵan,
Isatai men Mahambetim – has babam.
Qazaǵymnyń jer qylmaǵan namysyn,
Erlikteriń – shyrqap aitap asqaq án.
Qazaq muńyn birge kórip, bólistiń,
Dámin kórmei ketseń-daǵy jeńistiń.
El basyna qaterli kún týǵanda,
Han Jáńgirmen eregeste tebistiń.
Qasireti qaryǵanmen qansha ishin,
Jyr tulparǵa basyp sońǵy qamshysyn.
Keleshekke sálemim de óleńge,
Sarqyp quidy júrektiń qan tamshysyn.
Tasyǵan teńiz bolyp tolatyn,
Ashynǵanda kózi ottai janatyn.
El qorǵaǵan, batyr bolǵan sol aqyn,
Mahambet pen Isataiym bolatyn.
Gúlim AQANOVA,
Aspazdyq mamandyǵynyń
1-kýrs stýdenti
