قارا ٶلەڭ – قازاقتىڭ قانىنا سٸڭگەن قاسيەت. زاماننىڭ تٷرلٸ اعىمىنا ٸلەسٸپ بارا جاتساق تا, ٶلەڭٸمٸزدٸ, ٶنەرٸمٸزدٸ ۇمىتپاق ەمەسپٸز. ەلباسى «بولاشاققا باعدار: رۋحاني جاڭعىرۋ» ماقالاسىندا دا قاي قيىردا جٷرسەك تە, قاي ٶنەردٸ يگەرسەك تە تاريحتان تامىر تارتپاۋعا بولمايتىنىن, ۇلتتىق ساناسىز, رۋحسىز ەل بولاشاعى بولمايتىنىن ايرىقشا اتادى. ەلباسىنىڭ بۇل سٶزٸن «تالعار پوليتەحنيكالىق كوللەدجٸ» ەۋەل باستان-اق قولداپ, جٷزەگە اسىرىپ جاتقانداي. زاماناۋي ماماندىقتاردى يگەرگەن كوللەدج ستۋدەنتتەرٸنٸڭ بٸر توپ ٶلەڭدەرٸن وقىپ, ايران-اسىر قالدىق. قازاقتىڭ قارا ٶلەڭٸندە ەردايىم رۋح بوي كٶتەرگەن. ەندەشە, بٷگٸنگٸ ستۋدەنت ەرتەڭ دە قارا ٶلەڭدٸ جانىنا سەرٸك ەتەر بولسا, ۇلتتىق رۋحتىڭ اسقاقتاي تٷسكەنٸ, ايبىننىڭ ارتقانى.
قۇلاگەر
(ٸ.جانسٷگٸروۆ رۋحىنا)
قۋىرعان كەڭ دالامنىڭ قۇبا بەلٸن,
ٶزٸڭسٸڭ ٶلەڭدەگٸ قۇلاگەرٸم.
دارىنى دارا تۋعان ٸليياس اتا,
مەن سەنٸڭ ٶنەردەگٸ مۇراگەرٸڭ.
«الاتاۋداي تۇلعالى بٷكٸل ەڭسەڭ,
تۇراتىن كٸل بەيگەنٸ كٷتٸپ ٶڭشەڭ.
قازاقتىڭ ماڭدايىنا ٶلەڭ بٸتسە,
ٶلەڭنٸڭ ماڭدايىنا بٸتٸپ ەڭ سەن».
دەپ اقىن تۇرسىنزادا جىر ارناعان,
جىرىمەن اقتارىلا سىر ارناعان.
ٶنەرٸڭە, مەڭگٸ ٶلمەس ٶلەڭٸڭە,
سەن سەكٸلدٸ جاسىنان قۇمار بالاڭ.
بۇل ٸسٸمدٸ كٶپشٸلٸك ماقۇلدار دا,
قولداۋ كەرەك قاشان دا اقىندارعا.
رۋحىڭا تاعزىم قىپ جىر ارنادىم,
كٶتەرسٸن ابىرويلى اتىڭدى اللا.
ەلٸن سٷيگەن ەلباسى
ەلٸن سٷيگەن, ەلٸ سٷيگەن ەلباسى,
حالقىمەنەن بٸرگە جٷرگەن جولداسى.
ٶزٸڭ باردا ۋايىمىم دا جوق مەنٸڭ,
ەلٸڭ ٷشٸن زاۋ بيٸككە سامعاشى.
سامايعا اق تٷسكەنشە ەل باسقارىپ,
كەلەسٸز سٸز ەلمەن بٸرگە شاتتانىپ.
سالاۋاتتى ٶمٸر سالتىن قولدانىپ,
كەلەسٸز عوي, جٷرەم سوعان ماقتانىپ.
ەكسپو دا كەلدٸ مٸنە, قىلىپ نۇر,
ەلەم بٸتكەن سوعان كٶزٸن تٸگٸپ تۇر.
ابىرويمەن ٶتكٸزەم دەپ دۋماندى,
سول جاقتا جٷر, بٸلٸمدٸ قىز, بٸلٸكتٸ ۇل.
شاراپات ەسمۇرات,
كومپيۋتەر قۇرىلعىلارىن جٶندەۋ تەحنيگٸ
ماماندىعىنىڭ 3-كۋرس ستۋدەنتٸ
ناۋرىز ايى
تاڭى اتتى ناۋرىزدىڭ كٷلٸمدەگەن,
بۇلاعى اقتى تاۋلاردىڭ گٷرٸلدەگەن.
ويانامىن تاڭەرتەڭ كٷلٸمسٸرەپ,
بۇلبۇلداردىڭ تامسانىپ ٷنٸمەنەن.
ناۋرىزدا جەر دٷنيە قۇلپىرادى,
كٶك قىرانى تىم بيٸك ۇمتىلادى.
اقىننىڭ دا شابىتى كٶكتەم كەلسە,
تاسىپ-اق, قالامۇشقا جىر تۇنادى.
ديدار ومارعازى,
كومپيۋتەر قۇرىلعىلارىن جٶندەۋ تەحنيگٸ
ماماندىعىنىڭ 3-كۋرس ستۋدەنتٸ
قازاقتىڭ تۋى اسقاقتاپ...
ەركٸندٸگٸم – ەن-جىرىم,
سەنٸمەن بٸر ارمانىم.
ارقالادىڭ بار جٷگٸن,
قازاعىمداي سامعادىڭ.
قىران قۇسىم جٷر سامعاپ,
كٶك تۋىمدى كٶتەرٸپ.
جەرٸمدە كٶپ مىڭ ساڭلاق,
جٷر بويىندا وت ٶرٸپ.
قۇلاماسىن بيٸكتەن,
كٶك بايراعىم اسقاقتاپ.
قازاقستان – سٷيٸكتٸ ەل,
تۇرسىن دەيٸم باستاپ باق.
ٶمٸر دەگەن...
ٶمٸر دەگەن ٶتە قىمبات,
ٶلشەم ەمەس سۇلۋ-سىمبات.
ادام ٶمٸرٸ ۇزاق ەمەس,
ٶتكەن ٶمٸر قايتا كەلمەس.
تٸرشٸلٸكتە تىرىسپاساڭ,
تٷزۋ جٷرٸپ, تٸك ۇشپاساڭ,
جەتە المايسىڭ مۇراتىڭا,
جەتەرسٸڭ تەك دۇرىستاساڭ.
بٸرەۋلەرگە بار زاماندا,
بٸرەۋلەرگە تار زاماندا,
ارمانىڭا شىن جەتكەيسٸڭ,
كەۋدەدە وت, بار جاناردا.
بەگلان وماروۆ,
ەۆم وپەراتورى ماماندىعىنىڭ
2-كۋرس ستۋدەنتٸ
مەرەكەلٸك تٸلەك
كەتتٸ قىسقى ىزعار,
ەرٸپ جاتىر مۇز دا.
مەرەكەڭٸز بٷگٸن,
قۇتتى بولسىن, قىزدار!
بار مەندە بٸر جٷرەك,
ادامعا ادام – تٸرەك.
سٸزدەرگە ايتار مىناۋ,
مەرەكەلٸك تٸلەك:
اسپان بولسىن اشىق,
دۇشپان جٷرسٸن قاشىق.
الشى تٷسسٸن اسىق,
جولىڭ بولسىن اشىق.
***
ٷلگٸ بولعان ٷلكەنگە دە, جاسقا دا,
سىيلار سٸزدٸ تۋعان-تۋىس, باسقا دا.
ۇستاز دەگەن ۇلى ەسٸمدٸ ۇلىقتاپ,
جىرعا قوستىم, جازىپ پاراق, تاسقا دا.
ٸزگٸلٸكتٸڭ نۇرىن شاشار ماڭايعا,
ادامسىز عوي ٷلگٸ بولار تالايعا.
جاقسىلىقتى ٶزٸڭٸزدەن كٶپ كٶرگەن,
ۇمىتپايدى شەكٸرتٸڭٸز قالاي دا.
انار قوجاەۆا,
اسپازدىق ماماندىعىنىڭ
2-كۋرس ستۋدەنتٸ
سىڭعىرلاعان كٷلكٸسٸ بوپ ەر ٷيدٸڭ...
عاسىرلاردى سٶيلەتكەن,
بابالاردىڭ تٸلٸ ەكەن.
ۇرپاعىنا امانات قىپ تاپسىرعان,
قاسيەتتٸ تٸلٸم مەنٸڭ تٸرٸ ەكەن.
سىڭعىرلاعان كٷلكٸسٸ بوپ ەر ٷيدٸڭ,
قۋانىشتىڭ تٷر-تٷسٸ بوپ ەر ٷيدٸڭ.
سٶيلەپ تۇرسىڭ, انا تٸلٸم – بابا تٸل,
تامىرىڭنان تەكتٸلٸكتٸ تانيمىن.
تٸلٸم مەنٸڭ, جانىم باردا كەۋدەمدە,
عۇمىرىمدا باسقا باقتى تەڭ كٶرمەن.
انا تٸلٸم, قاسيەتٸڭنەن اينالدىم,
مەڭگٸ سەنٸڭ قازىعىڭا بايلاندىم.
باعداگٷل ياكۋدا,
اسپازدىق ماماندىعىنىڭ
3-كۋرس ستۋدەنتٸ
ستۋدەنتتٸك ٶمٸرٸم
مٸنە, بٷگٸن اياق باستىم ستۋدەنتتٸك ٶمٸرگە,
قۋانىش مەن شاتتىق شالقىپ كٶڭٸلدە.
كومپيۋتەردٸڭ قۇرىلعىسىن جابدىقتاپ,
بٸر ماماندىق الىپ شىعام تٷبٸندە.
دوستارىم دا ٶتە جاقسى, كەرەمەت,
دوسىڭ جاقسى بولسا باسقا نە كەرەك?!
ٷيرەنٸسٸپ كەتتٸم قازٸر بۇل ماڭعا,
اسقاق ارمان تۇر الدىعا جەتەلەپ.
دوستارىمنىڭ وت-جالىن بار كٶزٸندە,
بەرٸ بٸردەي قۋانىشتى سەزٸمدە.
ەربٸرٸنٸڭ تالانتى بار تاس جارار,
جاقسى جاندار تۇرادى ىلعي سٶزٸندە.
كوللەدجدە جاقسى ارۋ مەن جٸگٸت بار,
ورىس تا بار, ۇيعىر دا بار, تٷرٸك بار.
تانىس ەمەس بولساق-تاعى بەرٸمٸز,
قازاعىمدا سەلەم بەرۋ عۇرىپ بار.
نۇربەك ەرعانات,
تەحنيك-باعدارلاماشى توبىنىڭ
1-كۋرس ستۋدەنتٸ
ماحامبەت-يساتاي
قارا قازان, سارى بالا قامى ٷشٸن,
قازاق اتتى بايتاق ەلدٸڭ تاعى ٷشٸن.
جانىن قيدى ماحامبەت پەن يساتاي,
ازاتتىق مەڭگٸ سٶنبەس شامى ٷشٸن.
ەل جادىندا مەڭگٸ قالار ماحامبەت,
يساتايدى ماقتان تۇتام اتام دەپ.
جىرلارى ونىڭ ٶلتٸرمەيدٸ, ٶلمەيدٸ ول,
ەر كٷنمەنەن ارايلانىپ اتار تەك.
ۇلت-ازاتتىق كٶتەرٸلٸسٸن باستاعان,
يساتاي مەن ماحامبەتٸم – حاس بابام.
قازاعىمنىڭ جەر قىلماعان نامىسىن,
ەرلٸكتەرٸڭ – شىرقاپ ايتاپ اسقاق ەن.
قازاق مۇڭىن بٸرگە كٶرٸپ, بٶلٸستٸڭ,
دەمٸن كٶرمەي كەتسەڭ-داعى جەڭٸستٸڭ.
ەل باسىنا قاتەرلٸ كٷن تۋعاندا,
حان جەڭگٸرمەن ەرەگەستە تەبٸستٸڭ.
قاسٸرەتٸ قارىعانمەن قانشا ٸشٸن,
جىر تۇلپارعا باسىپ سوڭعى قامشىسىن.
كەلەشەككە سەلەمٸم دە ٶلەڭگە,
سارقىپ قۇيدى جٷرەكتٸڭ قان تامشىسىن.
تاسىعان تەڭٸز بولىپ تولاتىن,
اشىنعاندا كٶزٸ وتتاي جاناتىن.
ەل قورعاعان, باتىر بولعان سول اقىن,
ماحامبەت پەن يساتايىم بولاتىن.
گٷلٸم اقانوۆا,
اسپازدىق ماماندىعىنىڭ
1-كۋرس ستۋدەنتٸ
