Elimizde balalar men jasóspirimderge arnalǵan «Jas órken» syilyǵynyń jeńimpazdary marapattaldy, dep habarlaidy "Ult aqparat".
«Biylǵy baiqaý erekshe ótip jatyr. Sebebi jarystyń ózi de, marapattaý sáti de onlain ótýde. Baiqaý respýblika boiynsha óz deńgeiinde ótti. Barlyq uiymdastyrýshylarǵa alǵys aitamyz. Erekshe aityp ótetin sát - biylǵy baiqaýda Pavlodar, Qaraǵandy, Qostanai oblystarynyń talantty jastary kóptep jeńimpaz atanyp jatyr. Barlyq jeńimpazdar men laýreattardy shyn júrekten quttyqtaimyn», - deidi «Respýblika-Aimaq-Damý» qoǵamdyq qorynyń prezidenti Ǵalym Baitoq.
14 nominatsiiadan turatyn atalǵan baiqaý 3 kezeń boiynsha ótkizildi.
«Men óz ustazyma rizashylyǵymdy bildiremin. Meni bige baýlyǵanyńyz úshin rahmet. Men sizdi jaqsy kóremin. Sonymen qatar, meni qoldap, ónerimdi baǵalap daýys bergen qoldaýshylaryma alǵysym sheksiz», - deidi «Jas bishi» nominatsiiasy boiynsha jeńimpaz atanǵan Amira Sultan.
«Jas órken» syilyǵynyń iegerleri:
«Jas zertteýshi» - Temirlan Raqymbaev;
«Jas bishi» - Amira Sultan;
«Jas sýretshi» - Gaýhar Bolat;
«Jas mýzykant» - Ánel Daniiar;
«Jas qanat» - Alfiia Tilekqabyl;
«Jas qalam» - Aqtoty Ábdiqaharova;
«Jas patriot» - Ivan Riabets;
«Jas daryn» - Mádi Pazyl;
«Jas bloger» - Erbatyr Erjan;
«Jas aqyn» - Artem Kniazev;
«Jas tolaǵai» - Tańsulý Tileýbergen;
«Jas ekolog» - Arýjan Mýsina;
«Jas erikti» - Danil Rybin;
«Úzdik IT bastama» - Álisher Jumadilov.
Aita keteiik, «Jas órken» - elimizdegi eń daryndy balalardy anyqtaýǵa arnalǵan baiqaý.
