ەلٸمٸزدە بالالار مەن جاسٶسپٸرٸمدەرگە ارنالعان «جاس ٶركەن» سىيلىعىنىڭ جەڭٸمپازدارى ماراپاتتالدى, دەپ حابارلايدى "ۇلت اقپارات".
«بيىلعى بايقاۋ ەرەكشە ٶتٸپ جاتىر. سەبەبٸ جارىستىڭ ٶزٸ دە, ماراپاتتاۋ سەتٸ دە ونلاين ٶتۋدە. بايقاۋ رەسپۋبليكا بويىنشا ٶز دەڭگەيٸندە ٶتتٸ. بارلىق ۇيىمداستىرۋشىلارعا العىس ايتامىز. ەرەكشە ايتىپ ٶتەتٸن سەت - بيىلعى بايقاۋدا پاۆلودار, قاراعاندى, قوستاناي وبلىستارىنىڭ تالانتتى جاستارى كٶپتەپ جەڭٸمپاز اتانىپ جاتىر. بارلىق جەڭٸمپازدار مەن لاۋرەاتتاردى شىن جٷرەكتەن قۇتتىقتايمىن», - دەيدٸ «رەسپۋبليكا-ايماق-دامۋ» قوعامدىق قورىنىڭ پرەزيدەنتٸ عالىم بايتوق.
14 نوميناتسييادان تۇراتىن اتالعان بايقاۋ 3 كەزەڭ بويىنشا ٶتكٸزٸلدٸ.
«مەن ٶز ۇستازىما ريزاشىلىعىمدى بٸلدٸرەمٸن. مەنٸ بيگە باۋلىعانىڭىز ٷشٸن راحمەت. مەن سٸزدٸ جاقسى كٶرەمٸن. سونىمەن قاتار, مەنٸ قولداپ, ٶنەرٸمدٸ باعالاپ داۋىس بەرگەن قولداۋشىلارىما العىسىم شەكسٸز», - دەيدٸ «جاس بيشٸ» نوميناتسيياسى بويىنشا جەڭٸمپاز اتانعان اميرا سۇلتان.
«جاس ٶركەن» سىيلىعىنىڭ يەگەرلەرٸ:
«جاس زەرتتەۋشٸ» - تەمٸرلان راقىمباەۆ;
«جاس بيشٸ» - اميرا سۇلتان;
«جاس سۋرەتشٸ» - گاۋھار بولات;
«جاس مۋزىكانت» - ەنەل دانييار;
«جاس قانات» - الفييا تٸلەكقابىل;
«جاس قالام» - اقتوتى ەبدٸقاھاروۆا;
«جاس پاتريوت» - يۆان ريابەتس;
«جاس دارىن» - مەدي پازىل;
«جاس بلوگەر» - ەرباتىر ەرجان;
«جاس اقىن» - ارتەم كنيازەۆ;
«جاس تولاعاي» - تاڭسۇلۋ تٸلەۋبەرگەن;
«جاس ەكولوگ» - ارۋجان مۋسينا;
«جاس ەرٸكتٸ» - دانيل رىبين;
«ٷزدٸك IT باستاما» - ەلٸشەر جۇمادٸلوۆ.
ايتا كەتەيٸك, «جاس ٶركەن» - ەلٸمٸزدەگٸ ەڭ دارىندى بالالاردى انىقتاۋعا ارنالعان بايقاۋ.
