Jas ǵalymdarymyz tegin joǵary bilim alýy tiis. Mundai pikirdi QR Parlamenti Májilisiniń depýtaty Irina Smirnova bildirdi, dep habarlaidy "Ult aqparat".
«Óte kóp jastarymyz joǵary bilim alý úshin shetelge ketip jatyr. Joǵary bilim alǵannan keiin olardyń kópshiligi sol jaqta qalyp qoiatyndyǵyn da bilemiz. Al bul memleketimiz úshin úlken shyǵyn ekeni túsinikti. Al ǵylymi qyzmetkerlerdi daiyndaityn joǵary oqý oryndarymyz qandai? Ǵylymi qyzmetker bolǵysy kelgender jaqsy bilim ala almai jatady. Bizdegi kóptegen joǵary oqý oryndarynda bilim alý, ásirese gýmanitarlyq salada aqyly. Sondyqtan da ǵalym bolǵysy keletin jastarymyz ózge elderge tegin bilim alý úshin ketip qalady», - dedi Májilis depýtaty «Aqyldy jastardyń shetelge ketýi. Sebepteri jáne oǵan qalai qarsy turýǵa bolady?» taqyrybyndaǵy dóńgelek ústel barysynda.
Osy rette ol búginde jaýapkershiligi shekteýli seriktestikke ainalǵan elimizdiń Ǵylym akademiiasyn memlekettik mekemege ainaldyrý kerek dep sanaidy.
«Bul – birinshi. Ekinshi – bizdiń jas ǵalymdarymyz Germaniia, Frantsiiadaǵydai tegin joǵary bilim alýy tiis. Búginde Reseide de kóptegen joǵary oqý orny tegin joǵary bilim beredi. Barlyǵy birdei joǵary oqý ornyn bitire almaityndyǵy belgili. Biraq, ol jerge barýǵa barlyǵynyń da múmkindigi bolý qajet», - dedi Irina Smirnova.
