جاس عالىمدارىمىز تەگٸن جوعارى بٸلٸم الۋى تيٸس. مۇنداي پٸكٸردٸ قر پارلامەنتٸ مەجٸلٸسٸنٸڭ دەپۋتاتى يرينا سميرنوۆا بٸلدٸردٸ, دەپ حابارلايدى "ۇلت اقپارات".
«ٶتە كٶپ جاستارىمىز جوعارى بٸلٸم الۋ ٷشٸن شەتەلگە كەتٸپ جاتىر. جوعارى بٸلٸم العاننان كەيٸن ولاردىڭ كٶپشٸلٸگٸ سول جاقتا قالىپ قوياتىندىعىن دا بٸلەمٸز. ال بۇل مەملەكەتٸمٸز ٷشٸن ٷلكەن شىعىن ەكەنٸ تٷسٸنٸكتٸ. ال عىلىمي قىزمەتكەرلەردٸ دايىندايتىن جوعارى وقۋ ورىندارىمىز قانداي? عىلىمي قىزمەتكەر بولعىسى كەلگەندەر جاقسى بٸلٸم الا الماي جاتادى. بٸزدەگٸ كٶپتەگەن جوعارى وقۋ ورىندارىندا بٸلٸم الۋ, ەسٸرەسە گۋمانيتارلىق سالادا اقىلى. سوندىقتان دا عالىم بولعىسى كەلەتٸن جاستارىمىز ٶزگە ەلدەرگە تەگٸن بٸلٸم الۋ ٷشٸن كەتٸپ قالادى», - دەدٸ مەجٸلٸس دەپۋتاتى «اقىلدى جاستاردىڭ شەتەلگە كەتۋٸ. سەبەپتەرٸ جەنە وعان قالاي قارسى تۇرۋعا بولادى?» تاقىرىبىنداعى دٶڭگەلەك ٷستەل بارىسىندا.
وسى رەتتە ول بٷگٸندە جاۋاپكەرشٸلٸگٸ شەكتەۋلٸ سەرٸكتەستٸككە اينالعان ەلٸمٸزدٸڭ عىلىم اكادەميياسىن مەملەكەتتٸك مەكەمەگە اينالدىرۋ كەرەك دەپ سانايدى.
«بۇل – بٸرٸنشٸ. ەكٸنشٸ – بٸزدٸڭ جاس عالىمدارىمىز گەرمانييا, فرانتسيياداعىداي تەگٸن جوعارى بٸلٸم الۋى تيٸس. بٷگٸندە رەسەيدە دە كٶپتەگەن جوعارى وقۋ ورنى تەگٸن جوعارى بٸلٸم بەرەدٸ. بارلىعى بٸردەي جوعارى وقۋ ورنىن بٸتٸرە المايتىندىعى بەلگٸلٸ. بٸراق, ول جەرگە بارۋعا بارلىعىنىڭ دا مٷمكٸندٸگٸ بولۋ قاجەت», - دەدٸ يرينا سميرنوۆا.
