Áleýmettik jelide Aqbaian Muqanǵalievanyń kúndelikti ómirinen beinejazbalar jariialaityn paraqsha ashyldy. Ony jaqyn týysy júrgizip, Aqbaiannyń nemen ainalysyp júrgenin kórsetip otyrady, dep habarlaidy ult.kz.
Paraqshadaǵy videolarda Aqbaiannyń sýret salyp, serýendep, jaqynymen áńgimelesken sátteri kórsetilgen. Beinejazbalardyń birinde ol noýtbýk pen qujattarǵa qarap, jumys isteýge talpynyp otyr.
Jazbany jariialaǵan týysynyń aitýynsha, Aqbaian buryn sot oryndaýshysynyń kómekshisi bolyp eńbek etken. Qazir paraqshada onyń kúndelikti tirshilikke qaita aralasý barysy bólisilip jatyr.
Aita keteiik, Aqbaian Muqanǵalievanyń densaýlyǵyna qatysty tyń derek shyqty.
Aqbaian Muqanǵalieva kim?
Aqbaian Muqanǵalieva - Atyraý oblysynyń Jangeldin aýylynda ata-anasy men eki baýyrynan aiyrylǵan áiel. Onyń otbasy músheleriniń ólimine qatysty is qoǵamda keńinen talqylandy. Osy qylmys úshin burynǵy kúieýi Sultan Sársemáliev ómir boiyna bas bostandyǵynan aiyryldy.
Buǵan deiin Aqbaianǵa qatysty da tergeý júrgizilgen. Alaida Atyraý oblysy prokýratýrasynyń málimetinshe, onyń áreketinen qylmystyq quqyq buzýshylyq quramy anyqtalmaǵandyqtan, 2026 jylǵy 24 maýsymda sotqa deiingi tergeý toqtatylǵan.
