13 tamyzda elimizdiń jas ǵalymdary ZOOM – konferentsiia ótkizdi. Konferentsiia barysynda túrli salanyń jas ǵalymdary «Nur Otan» partiiasynyń praimerizin ótkizý bastamasyn qoldaitynyn jáne praimeriz týraly ǵylymi jumystar jasaýǵa daiyn ekenin málimdedi.
ZOOM-konferentsiiaǵa L.N.Gýmilev atyndaǵy Eýraziia ulttyq ýniversiteti Saiasattaný kafedrasynyń dotsenti Indira Rystina, «Bolashaq» qaýymdastyǵynyń atqarýshy direktory Laýra Demesinova, A.N. Syzǵanov atyndaǵy ulttyq ǵylymi hirýrgiia ortalyǵynyń kardioharýrgiia bóliminiń meńgerýshisi Baýyrjan Rakishev, Memlekettik saiasat joǵary mektebi túlekteri qaýymdastyǵynyń prezidenti Manasov Jangeldi, Ulttyq biotehnologiia ortalyǵynyń bólim meńgerýshisi Maqsat Jabaǵin, Jas ǵalymdar aliansynyń tóraǵasy Ásiia Ermuhambetova jáne músheleri, «Nur Otan» partiiasy ortalyq apparaty saiasi jumystar departamentiniń direktory Erlan Qarabalaev qatysty.
Atalǵan jiyndy STEM akademiiasynyń negizin qalaýshy Ábýtálip Mútáli júrgizdi. Ábýtálip Mútáli búginde jas ǵalymdardy qyzyqtyratyn jáne praimerizge qatysý boiynsha birqatar jii qoiylatyn suraqtardy atap ótti.
Konferentsiia barysynda, L.Gýmilev atyndaǵy Eýraziia ulttyq ýniversiteti saiasattaný kafedrasynyń dotsenti, PhD doktor Indira Rystina saiasattaný mamandyǵyndaǵy bilim alýshylar Qazaqstanda alǵash ret ótkiziletin praimeriz týraly ǵylymi jumystar ázirleýge qyzyǵýshylyq tanytyp otyrǵanyn aitty. «Praimeriz – Qazaqstanda tuńǵysh ret uiymdastyrylyp jatqan shara bolǵandyqtan bizge, bul úrdis qyzyqty. Jańa oqý jylynda oqýǵa túsken magistranttar, diplom jazatyn bakalavr stýdentteri praimerizdi keis retinde qarastyryp, ǵylymi zertteý jumystaryn júrgizedi. Sol kezde bizge partiianyń qoldaýy kerek bolady. Sondyqtan osy naýqannyń materialdarymen bólisip otyrsańyzdar degen ótinishimiz bar», – dedi Indira Rystina. Ol sonymen qatar partiiamen birigip, «saiasi tehnolog» atty magistratýra deńgeiindegi bilim berý baǵdarlamasyn qurýdy usyndy.
«Nur Otan» partiiasynyń ortalyq apparaty saiasi jumystar departamentiniń direktory Erlan Qarabalaev «Nur Otan» partiiasynyń ortalyq apparatynda qyzmet etetin saiasattanýshy, áleýmettanýshy ǵalymdar jańa bilim berý baǵdarlamasyna aralasyp, birlese jumys isteýge jáne magistranttar men stýdetterdiń ǵylyi jumystary úshin materialdar usynýǵa daiyn ekenin jetkizdi.
Sonymen qatar, ol qatysýshylarǵa praimerizdiń erejelerin, erekshelikterin túsindirip berdi. «Praimeriz maqsaty – jergilikti jerdegi, aýyldaǵy, qaladaǵy problemalardy naqty biletin jáne qoǵam biletin, tanityn liderlerdi anyqtaý. Bir erekshelik – máslihat sailaýlary keler jyly birinshi ret proportsionaldyq júie boiynsha ótedi. Sailaýshylar partiialyq tizimge daýys beredi», - dedi E.Qarabalaev.
Konferentsiiada «Bolashaq» qaýymdastyǵynyń atqarýshy direktory Laýra Demesinova Bolashaq túlekteri, Qazaqstannyń túkpir-túkpirinen praimerizge belsendi qatysýǵa niet tanytyp otyrǵanyn habarlady.
Esterińizge sala keteiik, jalpyrespýblikalyq «Nur Otan» partiiasynyń praimerizi 2020 jyldyń 17 tamyzy men 3 qazany aralyǵynda ótedi. Praimerizdiń negizgi maqsaty partiialyq tizimderdi básekelestik jáne ashyq negizde qalyptastyrý.
.jpeg)