Biylǵy jarty jylda ishki taýar ainalymy 6,9 paiyzǵa tómendedi. Bul týraly Saýda jáne integratsiia ministri Baqyt Sultanov málim etti, dep habarlaidy "Ult aqparat".
«Sońǵy 2 jylda ishki taýar ainalymy 11 protsenttik qarqynmen ósip, 37,5 trln teńgege jetti. Alaida, biylǵy jyldyń 6 aiynda ishki taýar ainalymy 6,9 paiyzǵa tómendep, 14,9 trln teńgeni qurady (2019 j. – 16 trln teńge). Sonymen qatar COVID-19 saldarynan saýda salasyndaǵy investitsiialar kólemi 48 paiyzǵa túsip ketti», - dedi ministri onlain rejimde halyq aldynda esep berýi barysynda.
Onyń sózine qaraǵanda, naryqtardy zamanaýi saýda formatyna aýystyrý saladaǵy kásiporyndardyń ósimin 10 paiyzǵa, al jumyspen qamtylǵandardy 5 myń adamǵa arttyrýǵa yqpal etedi.
«Saýda infraqurylymyn jańǵyrtýda basty baǵyt – tsifrlandyrý. Saýdanyń elektrondy júiesi otandyq taýar óndirýshiler men sheteldik seriktesterdi tartýǵa múmkindik berip, básekege qabilettilik pen sharttardyń ashyqtyǵyn qamtamasyz etedi. Birja kotirovkalary naryqtyń jaǵdaiyn naqty kórsetip turady», - dedi Sultanov.
