بيىلعى جارتى جىلدا ٸشكٸ تاۋار اينالىمى 6,9 پايىزعا تٶمەندەدٸ. بۇل تۋرالى ساۋدا جەنە ينتەگراتسييا مينيسترٸ باقىت سۇلتانوۆ مەلٸم ەتتٸ, دەپ حابارلايدى "ۇلت اقپارات".
«سوڭعى 2 جىلدا ٸشكٸ تاۋار اينالىمى 11 پروتسەنتتٸك قارقىنمەن ٶسٸپ, 37,5 ترلن تەڭگەگە جەتتٸ. الايدا, بيىلعى جىلدىڭ 6 ايىندا ٸشكٸ تاۋار اينالىمى 6,9 پايىزعا تٶمەندەپ, 14,9 ترلن تەڭگەنٸ قۇرادى (2019 ج. – 16 ترلن تەڭگە). سونىمەن قاتار COVID-19 سالدارىنان ساۋدا سالاسىنداعى ينۆەستيتسييالار كٶلەمٸ 48 پايىزعا تٷسٸپ كەتتٸ», - دەدٸ مينيسترٸ ونلاين رەجيمدە حالىق الدىندا ەسەپ بەرۋٸ بارىسىندا.
ونىڭ سٶزٸنە قاراعاندا, نارىقتاردى زاماناۋي ساۋدا فورماتىنا اۋىستىرۋ سالاداعى كەسٸپورىنداردىڭ ٶسٸمٸن 10 پايىزعا, ال جۇمىسپەن قامتىلعانداردى 5 مىڭ ادامعا ارتتىرۋعا ىقپال ەتەدٸ.
«ساۋدا ينفراقۇرىلىمىن جاڭعىرتۋدا باستى باعىت – تسيفرلاندىرۋ. ساۋدانىڭ ەلەكتروندى جٷيەسٸ وتاندىق تاۋار ٶندٸرۋشٸلەر مەن شەتەلدٸك سەرٸكتەستەردٸ تارتۋعا مٷمكٸندٸك بەرٸپ, بەسەكەگە قابٸلەتتٸلٸك پەن شارتتاردىڭ اشىقتىعىن قامتاماسىز ەتەدٸ. بيرجا كوتيروۆكالارى نارىقتىڭ جاعدايىن ناقتى كٶرسەتٸپ تۇرادى», - دەدٸ سۇلتانوۆ.
