20 qarashadaǵy jaǵdai boiynsha 513 myń jeke tulǵa salyq raqymshylyǵy múmkindigin qoldandy. Olar 6,9 mlrd teńge kólemindegi bereshegin ótedi, al 772,7 mln teńgege jýyq ósimpul esepten shyǵaryldy, dep habarlaidy "Ult aqparat" Memlekettik kirister komitetine silteme jasap.
Kólik salyǵynyń ósimpulyn tóleýden qutylǵandardyń sany kóptigi jaǵynan Almaty qalasynyń turǵyndary aldy. Olar 1,2 mlrd teńge qaryzyn tóledi, 117,8 mln teńge kólemindegi ósimpul esepten shyǵaryldy.
Jer salyǵy boiynsha 63,6 mln teńge qaryzyn tólegen Shymkent qalasynyń turǵyndary 7,2 mln teńge ósimpul tóleýden bosatyldy.
Nur-Sultan qalasynyń turǵyndary múlik salyǵy boiynsha ósimpuldy esepten shyǵarý kórsetkishinde reitingini bastady. Olardyń ósimpul boiynsha bereshegi 10,3 mln teńge. Astanalyqtar 59,3 mln teńge negizgi qaryzyn tólegen.
Esterińizge sala keteiik, ósimpuldy esepten shyǵarý aktsiiasy bastalǵan kezde 1,5 mln jeke tulǵanyń jalpy 26,3 mlrd teńge qaryzy bar edi. Onyń ishinde negizgi qaryz somasy 21,8 mlrd teńge, ósimpuly - 4,5 mlrd teńge.
Komitet jyl sońyna deiin salyqtyń negizgi qaryzyn tólegen jaǵdaida ósimpuldan bosaty jónindegi raqymshylyq jasalatynyn eske salady.
Salyq raqymshylyǵyny ótkizý merzimi 2020 jylǵy 31 jeltoqsanǵa deiin.
«Ósimpuldy esepten shyǵarý úshin eshqaida barýdyń qajeti joq. Qaryzdyń negizgi somasyn tólese jetkilikti. Ósimpul avtomatty túrde esepten shyǵarylady. Memlekettik kirister organdarynyń barlyq aýmaqtyq bólimshelerinde ósimpuldy esepten shyǵarý jónindegi komissiia qurylǵan», delingen habarlamada.
Salyq beresheginiń bar/joq ekenin Memlekettik kirister komitetiniń saitynda, sondai-aq eSalyq mobile mobildi qosymshasy arqyly tekserýge bolady.
