20 قاراشاداعى جاعداي بويىنشا 513 مىڭ جەكە تۇلعا سالىق راقىمشىلىعى مٷمكٸندٸگٸن قولداندى. ولار 6,9 ملرد تەڭگە كٶلەمٸندەگٸ بەرەشەگٸن ٶتەدٸ, ال 772,7 ملن تەڭگەگە جۋىق ٶسٸمپۇل ەسەپتەن شىعارىلدى, دەپ حابارلايدى "ۇلت اقپارات" مەملەكەتتٸك كٸرٸستەر كوميتەتٸنە سٸلتەمە جاساپ.
كٶلٸك سالىعىنىڭ ٶسٸمپۇلىن تٶلەۋدەن قۇتىلعانداردىڭ سانى كٶپتٸگٸ جاعىنان الماتى قالاسىنىڭ تۇرعىندارى الدى. ولار 1,2 ملرد تەڭگە قارىزىن تٶلەدٸ, 117,8 ملن تەڭگە كٶلەمٸندەگٸ ٶسٸمپۇل ەسەپتەن شىعارىلدى.
جەر سالىعى بويىنشا 63,6 ملن تەڭگە قارىزىن تٶلەگەن شىمكەنت قالاسىنىڭ تۇرعىندارى 7,2 ملن تەڭگە ٶسٸمپۇل تٶلەۋدەن بوساتىلدى.
نۇر-سۇلتان قالاسىنىڭ تۇرعىندارى مٷلٸك سالىعى بويىنشا ٶسٸمپۇلدى ەسەپتەن شىعارۋ كٶرسەتكٸشٸندە رەيتينگٸنٸ باستادى. ولاردىڭ ٶسٸمپۇل بويىنشا بەرەشەگٸ 10,3 ملن تەڭگە. استانالىقتار 59,3 ملن تەڭگە نەگٸزگٸ قارىزىن تٶلەگەن.
ەستەرٸڭٸزگە سالا كەتەيٸك, ٶسٸمپۇلدى ەسەپتەن شىعارۋ اكتسيياسى باستالعان كەزدە 1,5 ملن جەكە تۇلعانىڭ جالپى 26,3 ملرد تەڭگە قارىزى بار ەدٸ. ونىڭ ٸشٸندە نەگٸزگٸ قارىز سوماسى 21,8 ملرد تەڭگە, ٶسٸمپۇلى - 4,5 ملرد تەڭگە.
كوميتەت جىل سوڭىنا دەيٸن سالىقتىڭ نەگٸزگٸ قارىزىن تٶلەگەن جاعدايدا ٶسٸمپۇلدان بوساتى جٶنٸندەگٸ راقىمشىلىق جاسالاتىنىن ەسكە سالادى.
سالىق راقىمشىلىعىنى ٶتكٸزۋ مەرزٸمٸ 2020 جىلعى 31 جەلتوقسانعا دەيٸن.
«ٶسٸمپۇلدى ەسەپتەن شىعارۋ ٷشٸن ەشقايدا بارۋدىڭ قاجەتٸ جوق. قارىزدىڭ نەگٸزگٸ سوماسىن تٶلەسە جەتكٸلٸكتٸ. ٶسٸمپۇل اۆتوماتتى تٷردە ەسەپتەن شىعارىلادى. مەملەكەتتٸك كٸرٸستەر ورگاندارىنىڭ بارلىق اۋماقتىق بٶلٸمشەلەرٸندە ٶسٸمپۇلدى ەسەپتەن شىعارۋ جٶنٸندەگٸ كوميسسييا قۇرىلعان», دەلٸنگەن حابارلامادا.
سالىق بەرەشەگٸنٸڭ بار/جوق ەكەنٸن مەملەكەتتٸك كٸرٸستەر كوميتەتٸنٸڭ سايتىندا, سونداي-اق eSalyq mobile موبيلدٸ قوسىمشاسى ارقىلى تەكسەرۋگە بولادى.
