QR Indýstriia jáne infraqurylymdyq damý vitse-ministri Marat Qarabaev jańadan iske qosylatyn jarnasyz avtonesie baǵdarlamasyn túsindirdi, dep habarlaidy QazAqparat.
«Keshe 4 paiyzben jeńildetilgen avtonesie beremiz dedik. Al búgin «Ol kredit tek qana quny 10 mln teńgeden aspaityn belgili bir modelge ǵana beriledi eken» dep jatyr. Bul da feik aqparat. Ol kólik qunyna bailanysty emes. Beriletin kreditke bailanysty. Iaǵni, 10 mln teńgege deiin kredit beriledi. Eger mashina quny osyǵan sai bolsa emin-erkin alasyz. Al alatyn mashinańyzdyń quny odan qymbat bolsa, onda siz 10 mln ústindegi 1 ne 2 mln teńgeni qaltańyzdan tóleisiz», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Sonymen qatar, keibir BAQ jańa avtonesie baǵdarlamasy avtomobildiń tek 2-3 modeline beriletindigin jazyp jatqanyn aitty.
«Ondai emes. Barlyq modelge beriledi. Biraq, Hyundai Palisade siiaqty qymbat model bar. Olarǵa berilmeidi. 25 mln teńgege mashina satyp alýǵa jaǵdaiy bar adamdar óz qarajatyna alsyn. Bizdiń oiymyz - qaltasy kótermeitin halyqty qoldaý», - dedi Marat Qarabaev.
