Jarma aýdanynyń Áýezov kentinde qazaqtyń uly klassik jazýshysy, qoǵam qairatkeri, ǵulama ǵalym, filologiia ǵylymdarynyń doktory, professor Qazaq KSR-niń eńbek sińirgen ǵylym qairatkeri M.O.Áýezovtiń týǵanyna 120 jyl tolýyna arnalǵan «M.O.Áýezov jáne rýhani jańǵyrý» Halyqaralyq ǵylymi-praktikalyq konferentsiiasy aiasynda jazýshyǵa arnalǵan eskertkishtiń ashylý saltanaty ótti.
Atalǵan sharaǵa jazýshynyń uly, mádeniettanýshy-ǵalym, diplomat, memleket jáne qoǵam qairatkeri Murat Áýezov qatysty. Murat Áýezov óz sózinde aýdan ákimi N.Sydyqovqa, kent turǵyndaryna jáne músinshi Nurbol Qalivke alǵys aityp, - "Bul eskertkish respýblika kólemindegi barlyq M.O.Əýezov eskertkishteriniń ishindegi eń ádemisi, ákemniń beinesine eń jaqyny" - dep erekshe tebirenispen aityp ótti.
M.O.Áýezovtiń eskertkishi kenttiń ortalyǵynda ornalasqan. Jazýshynyń beinesinen ainytpai quiylǵan eskerkishke barlyǵy 7 mln. teńge qarajat jumsaldy.
Aýdan basshysy N.Sydyqov quttyqtaý sóz sóilep, óz sózinde Reseide jumys júrgizip otyrǵan «Iýgantransstroi» firmasynyń basshysy, metsenat, sharanyń demeýshisi Qaliev Orazhan Amantaiulyna alǵys aityp, saltanatty túrde Jarma aýdanynyn Qurmetti azamaty ataǵyn tabys etti. Jarma aýdanynyń týmasy Orazhan Qaliev buǵan deiin óz qarajatyna kent ishine jańa meshit turǵyzyp, Uly Otan Soǵysynyń 70 jyldyǵyna orai monýmen ornatqan bolatyn.
Sharanyń saltanatty bóliminen soń kelgen qonaqtar men turǵyndar eskertkish tórine gúl shoqtaryn qoiyp, qurmet kórsetti.
Baǵdarlamaǵa sáikes Jarma aýdandyq Mádeniet úiiniń ónerpazdary jiylǵan qaýymǵa merekelik kontsertterin usyndy.
Sonymen qatar «Baqyrshyq taý-ken óndirý kásiporny» JShS-niń óndiris nysandaryna ekskýrsiia uiymdastyrylyp, atalǵan kásiporynnyń bas direktory Iýorii Borisovich Ovchinnikov kelgen qonaqtardy «Qyzyl» jobasynyń jáne fabrika qurylysynyń júzege asyrylý jumystarymen tanystyrdy. Budan soń qonaqtar karerde bolyp qaitty.
