Eldegi jappai tártipsizdik kezinde qaza tapqan búkil politseiler men áskeri qyzmetshilerdiń otbasyna páter beriledi, dep habarlaidy QazAqparat.
QR Qurylysshylar odaǵy halyq aldyndaǵy áleýmettik jaýapkershiligin sezine otyryp, osyndai sheshim qabyldady.
Odaq elimizdiń árbir azamaty úshin osyndai aýyr kezeńde Memleket basshysy Qasym-Jomart Toqaevtyń bastamalaryn tolyq qoldaidy.
Qazaqstan Prezidentiniń bastamasymen qurylǵan «Qazaqstan halqyna» atty qoǵamdyq qor jáne Qurylysshylar odaǵy birlesip, halyqty terrorlyq shabýyldan qorǵaimyn dep janyn qiǵan politseiler men áskeri qyzmetshilerdiń otbasylaryna páter kiltin tapsyratyn boldy.
Bul iske odaq atynan Qazaq Stroy, Exclusive Group, Kusto Home, Nest Stroy, Saba Group KZ, Sheber Group, Tau Development, Time Group Hayat Construction, Dial Stroi, Atriks Stroi kompaniialary úles qosady.
Búgingi tańda Qurylysshylar odaǵy Almatydaǵy zardap shekken nysandardy tazartý jáne qalpyna keltirý isine belsene atsalysyp jatyr.
«Qazaqstanda qalyptasqan qiyn jaǵdaidy eskere otyryp, otandyq biznes ókilderin Memleket basshysynyń bastamasyn qoldaýǵa shaqyramyz» delingen odaq úndeýinde.
