ەلدەگٸ جاپپاي تەرتٸپسٸزدٸك كەزٸندە قازا تاپقان بٷكٸل پوليتسەيلەر مەن ەسكەري قىزمەتشٸلەردٸڭ وتباسىنا پەتەر بەرٸلەدٸ, دەپ حابارلايدى قازاقپارات.
قر قۇرىلىسشىلار وداعى حالىق الدىنداعى ەلەۋمەتتٸك جاۋاپكەرشٸلٸگٸن سەزٸنە وتىرىپ, وسىنداي شەشٸم قابىلدادى.
وداق ەلٸمٸزدٸڭ ەربٸر ازاماتى ٷشٸن وسىنداي اۋىر كەزەڭدە مەملەكەت باسشىسى قاسىم-جومارت توقاەۆتىڭ باستامالارىن تولىق قولدايدى.
قازاقستان پرەزيدەنتٸنٸڭ باستاماسىمەن قۇرىلعان «قازاقستان حالقىنا» اتتى قوعامدىق قور جەنە قۇرىلىسشىلار وداعى بٸرلەسٸپ, حالىقتى تەررورلىق شابۋىلدان قورعايمىن دەپ جانىن قيعان پوليتسەيلەر مەن ەسكەري قىزمەتشٸلەردٸڭ وتباسىلارىنا پەتەر كٸلتٸن تاپسىراتىن بولدى.
بۇل ٸسكە وداق اتىنان Qazaq Stroy, Exclusive Group, Kusto Home, Nest Stroy, Saba Group KZ, Sheber Group, Tau Development, Time Group Hayat Construction, ديال ستروي, اتريكس ستروي كومپانييالارى ٷلەس قوسادى.
بٷگٸنگٸ تاڭدا قۇرىلىسشىلار وداعى الماتىداعى زارداپ شەككەن نىسانداردى تازارتۋ جەنە قالپىنا كەلتٸرۋ ٸسٸنە بەلسەنە اتسالىسىپ جاتىر.
«قازاقستاندا قالىپتاسقان قيىن جاعدايدى ەسكەرە وتىرىپ, وتاندىق بيزنەس ٶكٸلدەرٸن مەملەكەت باسشىسىنىڭ باستاماسىن قولداۋعا شاقىرامىز» دەلٸنگەن وداق ٷندەۋٸندە.
