Japoniia biligi el premer-ministri Iosihide Sýganyń bastamasymen Tokio, Osaka, Kioto jáne Hiogo prefektýralarynda jańa koronavirýstyń taralýy saldarynan ahýaldyń nasharlaýyna bailanysty tótenshe jaǵdai rejimin qaitadan engizý týraly sheshim qabyldady, dep habarlaidy "Ult aqparat" japon qoǵamdyq telearnasyna silteme jasap.
Resmi bul sheshim týraly juma kúni habarlanbaq. Jergilikti bilikti kele jatqan merekelerge bailanysty iri qalalardaǵy koronavirýs oqiǵalarynyń ósý qaýpi alańdatady.
Japon biligi 7 qańtar kúni birqatar óńirlerde tótenshe jaǵdai rejimin engizgen edi. Rejimniń eń uzaǵy Tokioda jáne oǵan jaqyn Kanagava, Seitama, Tiba prefektýralarynda 22 naýryzǵa deiin sozyldy. Alaida ol alynǵannan keiin juqtyrý oqiǵalarynyń ósý úrdisi qaita bastaldy. Sońǵy derekterge sáikes, Japoniiada juqtyrý oqiǵalary 548 myńnan asqan, 9,7 myń adam qaitys boldy.
