Foto: Twitter/VICE
Japoniiada eki kúnde jaǵaǵa 41 delfin shyǵyp qalǵan. Adamdar olardyń kóbin aman alyp qala aldy, dep habarlaidy Tengritravel.kz saity Lenta portalyna silteme jasap.
VICE basylymynyń málimetinshe, oqiǵa dúisenbi, 3 sáýirde bastalǵan eken. Ol kezde jaǵaǵa 33 delfin shyǵyp qalypty. Ony kórgen serferler men ózge de adamdar otyzyn qaitadan sýǵa aman kúiinde jibere alǵan.
Kelesi kúni, 4 sáýirde aldyńǵy oqiǵa bolǵan jerden alys emes tusta jaǵaǵa taǵy segiz delfin shyǵyp qalypty. Bul joly tek tórteýi aman qaldy.
"Bul jaýnarlardy kórip júregiń aýyrady. Biz áli kúnge deiin nege bulai bolǵanyn bilmeimiz", - deidi jergilikti sheneýnik Mibý Saito.
Al VICE mundai oqiǵalar 2022 jyly búkil álem boiynsha bolǵanyn atap ótti. Máselen, jeltoqsanda AQSh jaǵalaýyna 23 kit shyǵyp qalǵan. Frantsiia jaǵalaýynda qys bastalǵaly 910 delfin ólipti. Ońtústik Koreiada naýryz aiynda jaǵalaýǵa ózdiginen shyǵyp qalǵan kit tabyldy.
Kit tuqymdastardyń jaǵalaýǵa shyǵyp qalý sebebi osy kúnge deiin anyqtalmaǵan. Alaida buǵan qatysty birneshe teoriia bar, olardyń biri boiynsha janýarlardyń tyńdaý organdary men eholokatsiiasy muhittyń lastanýynan zardap shegedi eken. Máselen balyq aýlaityn, áskeri jáne sý asty kemelerindegi sonar apparatarynyń signaldarynan kitter baǵytyn joǵaltyp, jaǵaǵa shyǵyp qalatyny naqty dáleldengen.
