Japoniia barynsha koronavirýs infektsiiasynyń taralýyn boldyrmaýǵa tyrysyp jatqanymen, indettiń úi ishinde taralýyn toqtatý úlken máselege ainaldy, dep habarlaidy Kyodo News agenttigi.
COVID-19-ben aýyrǵan naýqastardyń kóbine úiden emdelýge keńes berip jatyr, sebebi eldiń kóp bóligindegi aýrýhanalarda oryn jetispeidi. Degenmen, meditsina sarapshylary úi jaǵdaiynda oqshaýlaný qaýipti jáne aldyn alý sharalaryn oryndaǵannyń ózinde úidegi basqa adamdardyń juqtyrmaýy ekitalai dep otyr.
Sapporoda 4-17 qańtar aralyǵynda koronavirýsqa tapsyrǵan taldaýy oń nátije kórsetken adamdardyń 30 paiyzy otbasy múshelerinen juqtyrǵan.
Tokioda sol aralyqtaǵy kórsetkish 50 paiyzǵa jetken.
Densaýlyq saqtaý ministrliginiń 20 qańtar kúngi málimeti boiynsha, COVID-19 juqtyrǵan 35 394 naýqas úide em alyp jatyr.
