Japoniianyń áýe kompaniialary eldiń ońtústiginde bastalǵan taifýn saldarynan 119 ishki áýe reisin toqtatty. Bul týraly NHK telearnasy habarlady.
Onyń málimetinshe, ushý kestesindegi ózgerister kóbine Japoniianyń ońtústigindegi Kagosima men Okinava prefektýralary áýejailaryna qatysty bolyp otyr.
Budan basqa, surapyl jelden bolǵan ǵimarat qurylystarynyń opyrylýynan kem degende segiz adam jaraqat alǵan.
Telearnanyń málimetinshe, taifýn eldiń ońtústik batys bóligindegi Kiýsiý aralyna jaqyndap qaldy. Osyǵan bailanysty aralda ornalasqan Nagasaki prefektýrasynyń basshylyǵy 20 myńǵa jýyq jergilikti turǵyndy qaýipsiz jerge kóshirý týraly ókim shyǵardy. Budan basqa, ońtústik batystaǵy Oita prefektarýrasynyń 70 myńǵa jýyq turǵyny da evakýatsiialanady.
Qazirgi kezde taifýn Qytaiǵa qarai jaqyndap keledi. Onyń ortalyq bóligindegi jeldiń jyldamdyǵy sekýndyna 45 metrge deiin jetip otyr. Bul – 2020 jyly Tynyq muhitta bolǵan toǵyzynshy taifýn.
