Hokkaido ortalyǵynda kólikterge arnalǵan qosalqy bólshekterdi óndirýshi kásiporynnyń aiýlardy jáne basqa da jyrtqysh ańdardy qorqytýǵa arnalǵan qubyjyq robot-qasqyry el nazaryn aýdarýda, dep habarlaidy KYODO NEWS agenttigi.
Robottyń uzyndyǵy - 1,2 metr, ony Ohta Seiki Co kompaniiasy jasaǵan. Ol 60-qa deiin túrli dybys shyǵaryp, qasqyrdyń ulyǵanyn jáne adam daýsyn sala alady. Robot basyn jaryq diodty kózderimen qozǵaltý arqyly jaqyndap kele jatqan janýarlardy infraqyzyl dabyl bergishpen anyqtaidy.
Japoniiada shamamen 70 robot ornatyldy, onyń ishinde jergilikti turǵyndardy qabandar mazalaityn Okinavanyń ońtústik prefektýrasyndaǵy Isigaki araly da bar.
Qosalqy bólshekterdi óndirýshi kompaniianyń prezidenti Iýdji Ohta jyrtqysh ańdardyń eginge keltirgen zalalyn baqylaý qajettiligine bailanysty mundai robottarǵa qyzyǵýshylyq bildirip otyrǵandyǵyn aitty. Shet elder de osynaý qubyjyq qasqyrǵa suranys tanytyp otyr, soǵan orai eksportqa shyǵarý da qolǵa alynbaq.
