Foto:uralskweek.kz
10 qańtarda ministrler kabinetiniń otyrysynda Úkimet Ýkrainaǵa basyp kirgeni úshin Reseige qarsy qosymsha sanktsiialardy maquldady. Sondai-aq Reseidiń sanktsiialardan jaltarýǵa qatysy bar degen kúdikpen alty eldegi 31 uiymnyń eksportyna tyiym saldy. Onyń ishinde qazaqstandyq kompaniiada bar, dep jazady Japoniianyń nikkei.com basylymy. Bul týraly Ult.kz habarlaidy.
"Úkimet Reseidiń ónerkásiptik qýatyn nyǵaitýǵa kómektesetin qozǵaltqysh bólshekteri bar arnaiy kólikterge arnalǵan krandar men shaǵyn mototsiklder siiaqty taýarlardan turatyn 335 pozitsiiany eksporttaýǵa tyiym salady. Embargoǵa himiialyq qarýdy shyǵaratyn kapsaitsin siiaqty himiialyq zattar da jatady", -delingen habarlamada.
Sonymen qatar basylymnyń jazýynsha 335 taýardyń eksportyna tyiym salý 23-shi qańtarda kúshine enedi. Sonymen qatar 11 reseilik jeke tulǵa, 29 uiym jáne úsh bank aktivteri toqtatylady. Reseiden tys bir jeke tulǵanyń jáne bir banktiń aktivteri de buǵattalady.
Sondai-aq Reseidiń sanktsiialardan jaltarýǵa qatysy bar degen kúdikpen alty eldegi 31 uiymnyń eksportyna tyiym salyndy. Olar Birikken Arab Ámirlikterindegi (BAÁ), Qytaidaǵy, Qazaqstandaǵy, Qyrǵyzstandaǵy, Tailandtaǵy jáne Túrkiiadaǵy uiymdar.
Ministrler Kabinetiniń Bas hatshysy Iosimasa Haiashi baspasóz máslihatynda:
"Japoniia Ýkrainanyń ainalasyndaǵy máselelerdi sheshýge baǵyttalǵan halyqaralyq kúsh-jigerge yqpal etedi. Biz halyqaralyq qaýymdastyqpen, sonyń ishinde "Úlken jetilik" (G7) elderimen birge jumys isteýdi jalǵastyramyz. ."",- dedi ol.
