Ekologtardyń qarsylyǵyna qaramastan Japoniia biligi Fýkýsima atom elektr stantsiiasyndaǵy óńdelgen radioaktivti sýdy muhitqa quiý týraly sheshim qabyldady. Japoniia premer-ministri Esihide Sýga 13 sáýir kúngi úkimet otyrysynda qaldyq sýdy muhitqa tógý atom elektr stantsiiasyn isten shyǵarýdyń eń ońtaily joly dep málimdedi. Onyń aitýynsha, protsess barysynda sý deńgeii eskeriledi, dep jazady Azattyq.
2011 jyly kúshti jer silkinisi men sodan týyndaǵan tsýnamidiń saldarynan atom elektr stantsiiasynda iri apat bolyp, sodan beri stantsiia qoimasyndaǵy sý mólsheri 1,25 mln tonnaǵa jetken. Tokio elektr stantsiiasy operatory úsh reaktordy sýdyń kómegimen salqyndatyp keledi.
Operator eki jyldan keiin muhitqa sý tóge bastaidy, bul protsess ondaǵan jylǵa sozylýy múmkin. Tokio elektr stantsiiasy men úkimettiń aitýynsha, sý muhitqa tógiler aldynda súzilip, radioaktivti elementterden tazartylady. Biraq sý quramynda tritii elementi qala beredi, mamandar onyń kishigirim kólemi asa qaýipti emes ekenin aitady.
MAGATE sýdy muhitqa tógý týraly sheshimdi quptap, ony atom elektr stantsiiasyn qaldyq sýdan tazartý protsesine uqsatyp, mundai qubylys álemniń kez kelgen bóliginde júrip jatqanyn alǵa tartty. Kóptegen japon azamattary qaldyq sýdy muhitqa tógýge qarsy shyqqan. Qytai men Ońtústik Koreia oqiǵaǵa alańdaýshylyq bildirdi.
