Qyrǵyzstan prezidenti Sadyr Japarov qyrǵyzdyń "Kabar" memlekettik aqparat agenttigine bergen suqbatynda memlekettik shekarany naqtylaýǵa arnalǵan kelissóz qorytyndylary jóninde aityp, shekaradaǵy daýly jerdiń 99 paiyzy Qyrǵyzstan paidasyna sheshilgenin málimdegen, dep habarlady Azattyq.
"Shekara naqtylanarda daý bolǵan jerdiń barlyǵy Qyrǵyzstanǵa ótti. Aýyldaǵy bolsyn, qaladaǵy bolsyn, meili daladaǵy jer bolsa da 99 paiyzy bizdiń paidamyzǵa sheshildi. Buǵan jetý úshin kóp kelissóz júrip, kóp jumys isteldi. Kelisimshartqa qol qoiǵanǵa deiin egjei-tegjeiin ashyq aitqan joqpyz. Biraq men búgin Jogorký keńesh komitetinde bul máseleni ashyq talqylaýǵa tapsyrma berdim. Muny óz kózimen kórgen kezde halyq qol soǵatynyna senemin", — deidi Japarov.
Japarovtyń sózinshe, Qyrǵyzstannyń Osh, Jalal-Abad jáne Batken oblystaryndaǵy 1400 shaqyrym shekara boiynsha kelisim jasalǵan, al Ózbekstanmen "shekara máselesine birjola núkte qoiý josparlanyp otyr".
Sadyr Japarov sózinde "memleket taǵdyryn bir ǵana Ózgen taǵdyryna bailap qoiýǵa bolmaidy" dep málimdegen.
4 qazanda Qyrǵyzstan prezidenti Sadyr Japarov Osh oblysynyń Ózgen aýdany turǵyndarymen kezdesken. Qyrkúiekte bul aýdan halqy osy óńirdegi Kempirabad sý qoimasy Ózbekstanǵa ótip kete me degen qaýippen narazylyqqa shyǵyp, prezidentten mán-jaidy túsindirýdi talap etken.
Prezidentpen kezdesýge qatysqan Jogorký Keńesh depýtaty Janarbek Aqaev "prezidenttiń sózine qaraǵanda, ózge elge bir metr de jer berilmegen" dep habarlady. Taǵy bir depýtat Adahan Madýmarov Azattyqtyń Qyrǵyz redaktsiiasyna "Kempirabad sý qoimasy Ózbekstanǵa ótkenin" aitqan.
Qyrǵyzstan qyrkúiektiń sońynda Qyrǵyzstan men Ózbekstannyń shekarany delimitatsiialaý jáne demarkatsiialaý jónindegi úkimet delegatsiialary shekaradaǵy keibir ýchaskeler boiynsha jańa kelisim protsedýrasyn bastaý týraly hattamaǵa qol qoiǵan. Osydan soń qyrǵyz qoǵamynda Kempirabad sý qoimasyn Ózbekstanǵa berýi múmkin degen qaýip paida bolǵan.
