Foto:mysty-onir.kz
Aqtóbede jantúrshigerlik qylmysqa qatysty sot isi bastaldy. Eki kúdikti - Hromtaý aýdananyń turǵyndary, kúdiktiler buryn sotty bolǵany anyqtalǵan, - dep habarlaidy Ult.kz tilshisi Astana.tv-ge silteme jasap.
Tergeý materialdaryna júginsek, úsh jigit jinalyp, ishimdik ishken. Keiin janjal shyǵyp, kúdiktiniń biri kerisip qalǵan jigitti sabap, artynsha pyshaq salǵan. Keiin eki kúdikti páterden qashyp ketipti. Erteńine úi iesi kelip, qylmysty jasyrmaq bolady. Máiitti bólshektep, paketke salyp, bólip-bólip jasyrǵan kórinedi. Basyn tonazytqyshyna salyp qoiypty. Al týystary marqum bolǵan jigitti taba almai, bir ai boiy izdegen.
"Lýkin Kýzmenkonyń óli denesin as bólmeden jýynatyn bólmege súirep ákelip, bólshektegen. Sosyn dene múshelerin paketke salyp, Hromtaý aýdanyndaǵy "Gigant" karerine aparyp tastaǵan. Al óli deneniń qalǵan bólikterin óz muzdatqyshyna salyp qoiǵan", - dedi memlekettik aiyptaýshy Janar Qabdysheva.
Sotqa jábirlenýshi tarap onlain qatysty. Al sottalýshylardyń áreketinen jaqyndarynyń ózi shoshyp otyr.
"2009 jyly ol meniń bir saýsaǵymdy shaýyp tastady. Keiin dárigerler tigip berdi. Meni óltiremin dep talai qorqytty", - dedi sottalýshynyń anasy Liýbov Lýkina.
