فوتو:mysty-onir.kz
اقتٶبەدە جانتٷرشٸگەرلٸك قىلمىسقا قاتىستى سوت ٸسٸ باستالدى. ەكٸ كٷدٸكتٸ - حرومتاۋ اۋدانانىڭ تۇرعىندارى, كٷدٸكتٸلەر بۇرىن سوتتى بولعانى انىقتالعان, - دەپ حابارلايدى Ult.kz تٸلشٸسٸ Astana.tv-گە سٸلتەمە جاساپ.
تەرگەۋ ماتەريالدارىنا جٷگٸنسەك, ٷش جٸگٸت جينالىپ, ٸشٸمدٸك ٸشكەن. كەيٸن جانجال شىعىپ, كٷدٸكتٸنٸڭ بٸرٸ كەرٸسٸپ قالعان جٸگٸتتٸ ساباپ, ارتىنشا پىشاق سالعان. كەيٸن ەكٸ كٷدٸكتٸ پەتەردەن قاشىپ كەتٸپتٸ. ەرتەڭٸنە ٷي يەسٸ كەلٸپ, قىلمىستى جاسىرماق بولادى. مەيٸتتٸ بٶلشەكتەپ, پاكەتكە سالىپ, بٶلٸپ-بٶلٸپ جاسىرعان كٶرٸنەدٸ. باسىن تونازىتقىشىنا سالىپ قويىپتى. ال تۋىستارى مارقۇم بولعان جٸگٸتتٸ تابا الماي, بٸر اي بويى ٸزدەگەن.
"لۋكين كۋزمەنكونىڭ ٶلٸ دەنەسٸن اس بٶلمەدەن جۋىناتىن بٶلمەگە سٷيرەپ ەكەلٸپ, بٶلشەكتەگەن. سوسىن دەنە مٷشەلەرٸن پاكەتكە سالىپ, حرومتاۋ اۋدانىنداعى "گيگانت" كارەرٸنە اپارىپ تاستاعان. ال ٶلٸ دەنەنٸڭ قالعان بٶلٸكتەرٸن ٶز مۇزداتقىشىنا سالىپ قويعان", - دەدٸ مەملەكەتتٸك ايىپتاۋشى جانار قابدىشەۆا.
سوتقا جەبٸرلەنۋشٸ تاراپ ونلاين قاتىستى. ال سوتتالۋشىلاردىڭ ەرەكەتٸنەن جاقىندارىنىڭ ٶزٸ شوشىپ وتىر.
"2009 جىلى ول مەنٸڭ بٸر ساۋساعىمدى شاۋىپ تاستادى. كەيٸن دەرٸگەرلەر تٸگٸپ بەردٸ. مەنٸ ٶلتٸرەمٸن دەپ تالاي قورقىتتى", - دەدٸ سوتتالۋشىنىڭ اناسى ليۋبوۆ لۋكينا.
