Batys Evropa – Batys Qytai dáliziniń Ońtústikten ótetin bóliginiń qurylysy basty nazarda bolady. Jaýaptylar mańyzdy jobany merziminen keshiktirmeýi tiis. Shymkenttiń tóńiregindegi jol qurylysymen tanysyp qaitqan oblys ákimi osylai dep naqty aitty. Janseiit Túimebaev kúngeidegi birqatar demalys aimaqtaryna barar joldan bastap ainalma jáne halyqaralyq dárejedegi magistraldiń qurylysy barysymen tanysty. Óńir basshysy merdigerlerdiń qurylysty barlyq talaptarǵa sáikes júrgizýi kerektigin qadap eskertti.
Qasqasý demalys aimaǵyna baratyn joldyń boiynda basqarma, bólim basshylary atqarylǵan jumyspen óńir basshysyn tanystyrdy. Uzyndyǵy 8 shaqyrym jol qurylysynyń quny – 4 mlrd 136 mln teńge.
Kelesi nysan – Pazikov kóshesinen shaǵyn ainalma jolyna deiin Arǵynbekov kóshesi qiylysyndaǵy jolairyǵy. Joldyń uzyndyǵy – 7,8 shaqyrym. Merdiger “Bereke” korporatsiiasy jumysty 2015 jyly bastaǵan. Al Jibek joly kóshesinen qalalyq qoqys poligonyna deiingi aralyqtyń uzyndyǵy – 4,4 shaqyrym. Mundaǵy qurylysty “Túrkistanservis” seriktestigi júrgizýde.
Bozaryq eldimekeni janyndaǵy kúre joldyń qurylysy biyl aiaqtalýy tiis. Merdiger “Otaýstroi” JShS nysandy merziminde tapsyrmaq. Uzyndyǵy 4 shaqyrymǵa jýyq oblystyq mańyzy bar jol Shymkent-Qyzylásker-Túietas eldi-mekenderin bailanystyrady.
Kelesi nysan – Batys Evropa-Batys Qytai halyqaralyq jolynyń qurylysy. Birinshi baǵyty Shymkent-Qyzylorda arasyn qosady, uzyndyǵy – 236 shaqyrym. Ekinshi baǵyt – uzyndyǵy 83 shaqyrymdy quraityn jol Shymkent pen Taraz aralyǵyndaǵy qurylys biyl aiaqtalýy tiis. Al úshinshisi Tashkent baǵytyndaǵy 101 shaqyrym jol biyldyń sońyna deiin tapsyrylýy tiis bolatyn. Oblys basshysy bas merdigerlerdiń jumysyna kóńili tolmaitynyn jasyrmady.
Batys Evropa-Batys Qytai kólik dáliziniń boiynda ár 30-40 shaqyrym jerde halyqaralyq talaptarǵa sáikes beketter bolýy shart. Óitkeni osy óńir arqyly jol júrýshilerge esh qiyndyqsyz, qajettiligine sáikes qyzmet kórsetilýi tiis.
Óńir basshysy osyndaǵy jaýaptylarǵa kezekti is-saparynda BAQ ókilderimen birge beketterdegi shaǵyn kafelerden dám tatyp, kórsetiletin qyzmetke baǵasyn beretinin atap ótti.
