Elordada «QR Tuńǵysh Prezidenti – Qazaqstan halqy Assambleiasy Tóraǵasy Nursultan Nazarbaevtyń birlik pen kelisimdi nyǵaitý jónindegi saiasaty» taqyrybynda QHA Ǵylymi-sarapshylyq keńesiniń keńeitilgen otyrysy ótkizilýde, dep habarlaidy QazAqparat.
Otyrys barysynda QHA Tóraǵasynyń orynbasary Janseiit Túimebaev sóz bastady.
«Qazaqstan halqy Assambleiasynyń 25 jyldyǵy táýelsizdik jyldary júrgizilip otyrǵan beibitshilik pen kelisim saiasatynyń simvolyna ainaldy. Al Qazaqstannyń Tuńǵysh Prezidenti – Elbasy Nursultan Nazarbaev qazaqstandyq jol retinde búkil álemge tanymal bolǵan, postkeńestik tranzitpen eldi reformalaýdyń biregei algoritminiń avtory ári ázirleýshisi», - dedi Janseiit Túimebaev QHA Ǵylymi-sarapshylyq keńesiniń keńeitilgen otyrysynda.
Dostyq, beibitshilik, tynyshtyq pen senim. Janseiit Túimebaevtyń aitýynsha Qazaqstannyń qoǵamdyq atmosferasyn osy sózdermen sipattaýǵa bolady.
«Qazaqstannyń saiasaty men ultaralyq qarym-qatynas modeli barlyq halyqaralyq standartqa sáikes keledi. Elbasy Nursultan Nazarbaev osy saiasi baǵdardyń arqasynda eldiń áleýmettik jáne mádeni ortasy ózgerip kele jatqanyn aityp ótti. Qoǵamdyq sanany jańǵyrtýdy baǵyttalǵan «Rýhani jańǵyrý» baǵdarlamasy qazaqstandyqtardyń oilam júiesine, halyqtyń ómirine oń ózgeris ákelip, memlekettik til jalpyǵa ortaq moiyndalǵan, biriktirýshi til róline ie boldy. Assambleia Arys pen Maqtaral aýdanyndaǵy oqiǵalarda úlken áleýmettik kómek kórsetti. Bul baǵyttaǵy jumys jalǵasyn tabady», - dedi ol.
.jpeg)