Foto: sarbaz.kz
Qazaqstandyq boksshy, orta salmaqta IBF/WBO nusqalary boiynsha álem chempiony Jánibek Álimhanuly (17-0, 12 KO) The Ring jýrnalynyń bedeldi reitingindegi ornynan aiyryldy, dep jazady Ult.kz.
Álimhanuly orta salmaq reitinginde birinshi orynda turǵan edi. Alaida doping-testtiń oń nátije berýine bailanysty bolǵan oqiǵadan keiin «Qazaq stili» top-10 qatarynan shyǵaryldy. Birinshi orynǵa WBC tujyrymy boiynsha chempion atanǵan dominikandyq Karlos Adames kóterildi. Al úzdik úshtikti kýbalyq Ioenlis Ernandes pen Erislandi Lara túiindep tur.
Eske salaiyq, 7 jeltoqsanda Álimhanuly men Lara orta salmaqtaǵy álem chempionynyń úsh birdei titýly úshin jekpe-jekke shyǵýy tiis bolǵan. Alaida jekpe-jekke birneshe kún qalǵanda Jánibektiń doping-synamasynan tyiym salynǵan meldonii preparaty anyqtaldy. Sonyń saldarynan kezdesý ótpei qaldy.
Nátijesinde Lara Álimhanulynyń ornyna Venesýeladan sońǵy sátte shaqyrylǵan Iohan Gonsalespen judyryqtasyp, tóreshilerdiń biraýyzdy sheshimimen jeńiske jetti. Al Jánibek Álimhanulynyń isi boiynsha qazirgi ýaqytta ishki tergeý júrgizilip jatyr, «B» synamasyn ashý qańtar aiyna josparlanǵan.
