Qazaqstan quramasy Aziia Para oiyndarynda úshinshi altyn medaldi jeńip aldy. Para dziýdodan J2 sanatynda synǵa túsken Ibragim Nurmahanuly finalda Ózbekstan sportshysyn jeńip, chempion atandy, dep habarlaidy ult.kz.
70 kelige deiingi salmaq dárejesinde ótken sheshýshi beldesýde qazaqstandyq sportshy qarsylasynan basym túsip, el qorjynyna kezekti altyn júldeni saldy.
Aita keteiik, buǵan deiin Erkin Ǵabbasov Qazaqstan quramasyna Aziia Para oiyndarynyń alǵashqy altynyn ákelgen edi. Al paýerlifting sheberi David Degtiarev 192 kelini kóterip, jarystyń jańa rekordyn ornatty. Osylaisha, ol Aziia Para oiyndarynyń eki dúrkin chempiony atandy.
Qazaqstandyq sportshylardyń jeńisti joly jalǵasyp, el quramasynyń júldeler qorjyny taǵy bir altynmen tolyqty.
