QR Prezidentiniń Joldaýynda jańǵyrýdyń negizi retinde qarastyrylatyn adami kapitaldyń damýyna basymdyq berilgen. Bul zamanaýi syn-tegeýrinderge jaýap beretin sheshim, sebebi, búgingi postindýstrialdy damý, innovatsiialyq ekonomika, bilim ekonomikasy ǵasyrynda joǵary deńgeili maman, óz isiniń sheberi kez-kelgen memlekettik artyqshylyǵy bolyp tabylady.
Prezident Joldaýynda bilim baǵdarlamalarynyń negizgi basymdylyǵy jańa bilimdi ózgertý men igerý, soǵan udaiy beiimdelý bolýy kerektigi aitylǵan. Bul faktor zamanaýi qoǵamnyń jyldam ózgerip otyratyndyǵymen bailanysty. Innovatsiia men jyldamdyq qazirgi álemde básekege qabilettiliktiń basty belgisi. Sondyqtan, álemdegi ózgeristerden qalyspaý búgingi tańda kóshten qalmaýdaǵy eń mańyzdy shart bolyp tabylady.
VR jahandyq korporatsiiasy sekildi biznes salasynyń mamandary búginde eńbek naryǵynda kásibi quzirettilik deńgeii belgili bir mamannyń básekege qabilettiligin bildirmeidi, sebebi kúndelikti túrli ózgerister oryn alýda dep esepteidi.
Atap aitqanda, aldaǵy on jyldyqta jańa tehnologiialar kóptegen mamandyqtardyń joǵalýyna ákelip soqpaq, tyń mamandyqtarǵa suranystar artyp keledi. Naqtylasaq, óndiris, densaýlyq saqtaý, saýda, memleket basqarý salalaryndaǵy aqparattyq tehnologiialarǵa áser etip jatqan Big Data úlken derekter tehnologiiasy mamandaryna suranys artyp keledi.
Osy faktordy eskere otyryp, Joldaýda barlyq jastaǵy azamattardy qamtityn aldyńǵy qatarly bilim júiesin jasaý týraly aityldy.
Menińshe, ár óńirdegi oqýshylar sarailarynyń janynan kompiýterler, zerthanalar men 3D-printerler sekildi barlyq qajetti infraqurylymy bar balalar tehnoparki men biznes-inkýbatorlardy jasaý sheshimi de óte mańyzdy. Bul jas býynnyń ǵylymi-zertteý men óndiristik-tehnologiialyq ortaǵa beiimdelýine, jańa ári suranysqa ie mamandyqtar boiynsha bilikti maman daiarlaýǵa septigin tigizedi, bul ózgerip jatqan jańa álemniń basty talaby.
Osylaisha, Elbasynyń 2018 jylǵy Joldaýynda joǵary deńgeili indýstrialdy sektordy paidalaný týraly naqty aitylyp otyr. Árine, bul kúrdeli másele, degenmen, bul damyǵan elder qataryna kirýdiń birden-bir joly. Prezidenttiń bilim júiesine óz investitsiialyq jobalary men eksporttyq áleýeti bar ekonomikanyń bir salasy retinde qaraýǵa shaqyrýynyń máni osynda.
Aiman Júsipova,
QR Tuńǵysh Prezidenti – Elbasy Qory janyndaǵy Álemdik ekonomika jáne saiasat institýtynyń (ÁESI) jetekshi sarapshysy
.jpeg)