جاڭعىرۋدىڭ نەگٸزٸ - ادامي كاپيتالدىڭ دامۋى

قر پرەزيدەنتٸنٸڭ جولداۋىندا جاڭعىرۋدىڭ نەگٸزٸ رەتٸندە قاراستىرىلاتىن ادامي كاپيتالدىڭ دامۋىنا باسىمدىق بەرٸلگەن. بۇل زاماناۋي سىن-تەگەۋرٸندەرگە جاۋاپ بەرەتٸن شەشٸم, سەبەبٸ, بٷگٸنگٸ پوستيندۋستريالدى دامۋ, يننوۆاتسييالىق ەكونوميكا, بٸلٸم ەكونوميكاسى عاسىرىندا جوعارى دەڭگەيلٸ مامان, ٶز ٸسٸنٸڭ شەبەرٸ كەز-كەلگەن مەملەكەتتٸك ارتىقشىلىعى بولىپ تابىلادى.

پرەزيدەنت جولداۋىندا بٸلٸم باعدارلامالارىنىڭ نەگٸزگٸ باسىمدىلىعى جاڭا بٸلٸمدٸ ٶزگەرتۋ مەن يگەرۋ, سوعان ۇدايى بەيٸمدەلۋ بولۋى كەرەكتٸگٸ ايتىلعان. بۇل فاكتور زاماناۋي قوعامنىڭ جىلدام ٶزگەرٸپ وتىراتىندىعىمەن بايلانىستى. يننوۆاتسييا مەن جىلدامدىق قازٸرگٸ ەلەمدە بەسەكەگە قابٸلەتتٸلٸكتٸڭ باستى بەلگٸسٸ. سوندىقتان, ەلەمدەگٸ ٶزگەرٸستەردەن قالىسپاۋ بٷگٸنگٸ تاڭدا كٶشتەن قالماۋداعى ەڭ ماڭىزدى شارت بولىپ تابىلادى.

ۆر جاھاندىق كورپوراتسيياسى سەكٸلدٸ بيزنەس سالاسىنىڭ ماماندارى بٷگٸندە ەڭبەك نارىعىندا كەسٸبي قۇزٸرەتتٸلٸك دەڭگەيٸ بەلگٸلٸ بٸر ماماننىڭ بەسەكەگە قابٸلەتتٸلٸگٸن بٸلدٸرمەيدٸ, سەبەبٸ كٷندەلٸكتٸ تٷرلٸ ٶزگەرٸستەر  ورىن الۋدا دەپ ەسەپتەيدٸ.

اتاپ ايتقاندا, الداعى ون جىلدىقتا جاڭا تەحنولوگييالار كٶپتەگەن ماماندىقتاردىڭ جوعالۋىنا ەكەلٸپ سوقپاق, تىڭ ماماندىقتارعا سۇرانىستار ارتىپ كەلەدٸ. ناقتىلاساق, ٶندٸرٸس, دەنساۋلىق ساقتاۋ, ساۋدا, مەملەكەت باسقارۋ سالالارىنداعى اقپاراتتىق تەحنولوگييالارعا ەسەر ەتٸپ جاتقان Big Data ٷلكەن دەرەكتەر تەحنولوگيياسى ماماندارىنا سۇرانىس ارتىپ كەلەدٸ.

وسى فاكتوردى ەسكەرە وتىرىپ, جولداۋدا بارلىق جاستاعى ازاماتتاردى قامتيتىن الدىڭعى قاتارلى بٸلٸم جٷيەسٸن جاساۋ تۋرالى ايتىلدى.

مەنٸڭشە, ەر ٶڭٸردەگٸ وقۋشىلار سارايلارىنىڭ جانىنان كومپيۋتەرلەر, زەرتحانالار مەن 3D-پرينتەرلەر سەكٸلدٸ بارلىق قاجەتتٸ ينفراقۇرىلىمى بار بالالار تەحنوپاركٸ مەن بيزنەس-ينكۋباتورلاردى جاساۋ شەشٸمٸ دە ٶتە ماڭىزدى. بۇل جاس بۋىننىڭ عىلىمي-زەرتتەۋ مەن ٶندٸرٸستٸك-تەحنولوگييالىق ورتاعا بەيٸمدەلۋٸنە, جاڭا ەرٸ سۇرانىسقا يە ماماندىقتار بويىنشا بٸلٸكتٸ مامان دايارلاۋعا سەپتٸگٸن تيگٸزەدٸ, بۇل ٶزگەرٸپ جاتقان جاڭا ەلەمنٸڭ باستى تالابى.

وسىلايشا, ەلباسىنىڭ 2018 جىلعى جولداۋىندا جوعارى دەڭگەيلٸ يندۋستريالدى سەكتوردى پايدالانۋ تۋرالى ناقتى ايتىلىپ وتىر. ەرينە, بۇل كٷردەلٸ مەسەلە, دەگەنمەن, بۇل دامىعان ەلدەر قاتارىنا كٸرۋدٸڭ بٸردەن-بٸر جولى. پرەزيدەنتتٸڭ بٸلٸم جٷيەسٸنە ٶز ينۆەستيتسييالىق جوبالارى مەن ەكسپورتتىق ەلەۋەتٸ بار ەكونوميكانىڭ بٸر سالاسى رەتٸندە قاراۋعا شاقىرۋىنىڭ مەنٸ وسىندا.

ايمان جٷسٸپوۆا,

قر تۇڭعىش پرەزيدەنتٸ – ەلباسى قورى جانىنداعى ەلەمدٸك ەكونوميكا جەنە ساياسات ينستيتۋتىنىڭ (ەەسي) جەتەكشٸ ساراپشىسى